Ўзбекистон Республикаси Иқтисодиёт ва молия вазирлиги

Ўқитиш жараёни Ўзбекистон Республикаси Президентининг “Сунъий интеллект технологияларини 2030 йилга қадар ривожлантириш стратегиясини тасдиқлаш тўғрисида”ги 2024 йил 14-октабрдаги ПҚ–358-сон қарорининг 2-иловаси 19-банди ҳамда Иқтисодиёт ва молия вазирининг 2025 йил 5 апрелдаги 23-81-сон буйруғи ижроси доирасида бўлиб, Рақамли технологиялар вазирлиги билан ҳамкорликда амалга оширилди. 123 нафар вазирлик ходими 4 соатлик ўқув курсларини муваффақиятли тамомлади. Мазкур иштирокчиларга сертификатлар берилди.

Ўқув машғулотларида вазирлик ходимлари илғор сунъий интеллект платформалари (чатгпт.cом, gamma.app, gemini.google.com, claude.ai, chat.mistral.ai, perplexity.ai, sora.com, klingai.com, leonardo.ai, heygen.com, tactiq.io, youtube.com, grok.com ҳамда chat.deepseek.com) билан танишди ва улардан амалий фаолиятда фойдаланиш бўйича дастлабки билим ва кўникмаларни эгаллади.

Иқтисодиёт ва молия вазирлиги сунъий интеллект соҳасида етакчи билим ва кўникмаларга эга бўлган профессионал кадрлар тайёрлаш орқали замонавий иқтисодий ислоҳотларнинг фаол иштирокчисига айланишни мақсад қилган.

Иқтисодиёт ва молия вазирлиги

Ахборот хизмати