Ўзбекистонда «Ер соати» акцияси доирасида экологик ташаббуслар амалга оширилди
2025-03-26 15:35:00 / Вазирлик янгиликлари
Жорий йилнинг 25 март куни Ўзбекистон Республикаси Иқтисодиёт ва молия вазирлиги глобал экологик ҳаракат – «Ер соати» акциясида фаол иштирок этди. Ҳар йили март ойининг сўнгги шанбасида ўтказиладиган ушбу акция доирасида мамлакатимизда турли тадбирлар ташкил этилди.
Акция доирасида Иқтисодиёт ва молия вазирлигида ёритиш тизимлари 60 дақиқага ўчирилди ва экологик муаммолар ҳақида маълумот берилди. Бундан ташқари, атмосфера ифлосланишини камайтириш, яшил ҳудудларни кўпайтириш ва энергия самарадорлигини ошириш бўйича бир қатор ташаббуслар илгари сурилди.
Маълумот учун: "Ер соати – бу фақат чироқларни ўчириш эмас, балки атроф-муҳитни асрашга бўлган масъулиятимизни эслатиб турувчи глобал ташаббус ҳисобланади.
Мазкур акция табиатни асраш ва иқлим ўзгаришига қарши курашиш йўлида муҳим қадам бўлиб, Ўзбекистонда яшил ривожланиш тамойилларини мустаҳкамлашга хизмат қилади.
Иқтисодиёт ва молия вазирлиги
Ахборот хизмати