Семинарда Қорақалпоғистон Республикаси Вазирлар Кенгаши Раисининг биринчи ўринбосари, вилоятлар ва Тошкент шаҳри ҳокимининг биринчи ўринбосари, иқтисодиёт ва молия бош бошқармаси бошлиғининг биринчи ўринбосарлари ва иқтисодиёт бошқармаси йиғма бўлими ҳудудий дастурларни ишлаб чиқиш бўйича масъул ходимлари иштирок қилди.

Тадбир давомида ҳудудларни комплекс ижтимоий-иқтисодий ривожлантириш йиллик дастурида назарда тутиладиган 9 та кичик дастурларни ишлаб чиқишнинг амалий услубияти, дастурда алоҳида эътибор қаратилиши лозим бўлган жиҳатлар тақдимот орқали кўрсатиб берилди.

Шунингдек:

- маҳаллий ижро ҳокимияти органларига берилган молиявий, иқтисодий ҳамда маъмурий ваколат ва имкониятлар;

- Халқаро молия институтлари маблағларидан самарали фойдаланиш;

- 15 та туман (шаҳар)ни жадал комплекс ривожлантириш дастурини ишлаб чиқиш;

- ҳар бир туман ва шаҳарда ҳудуднинг иқтисодий ўсишига туртки берувчи саноат, қишлоқ хўжалиги ҳамда хизмат кўрсатиш йўналишларида 2025 йилга мўлжалланган камида 5 тадан драйвер лойиҳаларини шакллантириш ва амалга ошириш механизмлари юзасидан тушунтиришлар берилди.

Иқтисодиёт ва молия вазирлиги

Ахборот хизмати