Япониянинг Ямагата университети вакиллари билан учрашув бўлиб ўтди
2024-12-12 17:35:00 / Вазирлик янгиликлари
Учрашувда Ямагата Университети томонидан Ўзбекистонда, хусусан, Қорақалпоғистон Республикасида олиб борилаётган ишлар муҳокама қилинди.
Жумладан, Япония тажрибаси асосида Ямагата Университетининг профессорлари билан ҳамкорликда амалга оширилаётган “U-Hope” ва “Yori-I” дастурларини амалга ошириш орқали кичик бизнесни ривожлантириш ва қўллаб-қувватлаш менторлик тизимини йўлга қўйиш жараёни, жорий йилда эришилган натижалар ҳамда 2025 йилга мўлжалланган режалар муҳокама қилинди.
Жорий йилда Ямагата Университети ўқув маркази ҳамда Бизнесни ривожлантириш банки билан ҳамкорликда ўсиш ва ривожланиш салоҳиятига эга бўлган тадбиркорлар фаолиятига кўмак бериш ҳамда ҳамроҳлик қилиш бўйича 24 та менторлар ўқув курсларида ўқитилиб тайёрланди.
Ўқув курслари Япониянинг “ U-Hope” дастурини ўз ичига олган. Бунда, Япониянинг Ямагата университети профессорлари томонидан тайёрланган 10 турдаги видеоролик шаклида дарслик ҳамда 6 та турдаги “кейс амалиёт”ларини ўз ичига олган.
Бугунги кунда, ушбу ўқув дастурига тадбиркорлар томонидан қизиқишлар ортиб бормоқда. Ҳозирда дастурга 14,6 минг нафардан ортиқ тадбиркорлар қизиқиш билдирган бўлиб, 5,8 минг нафардан ортиқ ўқиш жараёнлари бошланган ҳамда 3 минг нафарга яқин тадбиркорлар сертификат эга бўлган.
Шу ўринда, менторлар фаолияти бўйича:
- Япониялик мутахассислар ўқув дастурлари жараёнида муваффақиятли қатнашган тингловчилардан 24 нафар ментор саралаб олди.
- Сараланган тингловчилар дастлаб Ўзбекистонда, сўнгра Япониянинг Ямагата университетида ўз малакасини ошириб, халқаро сертификатга эга бўлди (жорий йилнинг 18–27-октабр кунлари).
- Шунингдек, ўзаро тузилган шартномаларга асосан ҳар бир ментор томонидан жами 300 нафар (ҳар бирига 10–15 нафардан) тренер тайёрлаш мажбурияти юклатилди.
- Ўз навбатида, барча менторлар томонидан ўқув дастурлари ва ўқитиш режа-графиклари ишлаб чиқилиб, марказлар томонидан тасдиқланди.
Жорий йилнинг 18 ноябридан бошлаб барча ҳудудларда тренерларни ўқитиш жараёнлари бошлаб юборилди.
Иқтисодиёт ва молия вазирлиги
Ахборот хизмати