“Shanghai Oriental Credits Industrial Development Со., Ltd” компанияси вакиллари билан сув хўжалигида энергиядан фойдаланиш самарадорлигини ошириш масаласида фикр алмашилди
2024-12-13 14:00:00 / Вазирлик янгиликлари
Учрашувда компания бош директори Жеймс Сиао, Сув хўжалиги мухандислиги бўйича мутахассислар Мао Лишан ва Хуанг Вентсунг ҳамда Иқтисодиёт ва молия вазирлигининг Қишлоқ хўжалигидаги ислоҳотларни молиявий қўллаб-қувватлаш департаменти директори ўринбосари Тўлқин Мирзаев, Буюртмачилар фаолиятини ривожлантириш ва қурилиш соҳаси методологияси бошқармаси бошлиғи Хен Эдуард ва бошқа масъул вакиллар иштирок этди.
Мулоқот давомида томонлар Ўзбекистоннинг сув ресурсларини бошқариш соҳасида инновацион ёндашувларни жорий этиш ва энергиядан фойдаланиш самарадорлигини ошириш, сув хўжалиги вазирлиги тизимидаги инфратузилмани модернизация қилиш, хусусан, тизимда самарадорликни ошириш мақсадида замонавий технологиялардан фойдаланиш масалаларини муҳокама қилди.
Шунингдек, муҳокамалар давомида томонлар сув ресурсларини бошқариш соҳасида ўзаро ҳамкорлик йўналишлари ҳамда соҳада замонавий ва илғор тажрибалардан кенг фойдаланиш юзасидан фикр алмашдилар.
Музокаралар якунида томонлар ўзаро ҳамкорлик алоқаларини ривожлантириш ҳамда фикрлар алмашинув жараёнларини кўпайтиришга келишиб олдилар.
Иқтисодиёт ва молия вазирлиги
Ахборот хизмати