Пенсия тайинлаш учун минимал иш стажини 15 йилга етказиш таклиф этилмоқда
2026-09-23 14:10:00 / Вазирлик янгиликлари
Бугунги кунда 7 йиллик минимал иш стажи 18 ёшдан 60 ёшгача бўлган 42 йиллик меҳнат даврининг атиги 17 фоизини ташкил этади.
Шу билан бирга, тўлиқ иш стажига эга бўлмаган янги тайинланган пенсионерлар улуши 2010 йилдаги 6 фоиздан 2025 йилда 61 фоизга етган.
Таклифга кўра, минимал иш стажи 2027 йилдан бошлаб ҳар йили 1 йилдан оширилиб, 2034 йилда 15 йилга етказилади.
Масалан, 2030 йилда пенсияга чиқадиган фуқаро учун бир йўла 15 йил эмас, 11 йил стаж талаб қилинади.
Шу билан бирга, 15 йил стаж тўплай олмаган фуқаролар учун пенсия ёшидан 5 йил ўтиб ёшга доир нафақа тайинлаш кафолати сақланади.
Мақсад — расмий бандликни, иш ҳақини тўлиқ кўрсатишни ва узоқ муддат бадал тўлашни иқтисодий жиҳатдан янада манфаатли қилиш.