Ўзбекистон Республикаси Иқтисодиёт ва молия вазирлиги

Хорижий ташкилотлар томонидан Франция тараққиёт агентлигининг (ФТА) Тошкентдаги минтақавий ваколатхонаси директори Винсент Капин, Ўзбекистондаги “Яшил иқтисодиёт”га техник кўмаклашиш лойиҳаси катта лойиҳа менежери Марина Моро ва Expertise France компаниясидан Иқтисодиёт ва молия вазирлигининг яшил иқтисодиёт сиёсати бўйича маслаҳатчиси Жан-Люк Погет қатнашишди.

Семинарда, шунингдек, Иқтисодиёт ва молия вазири ўринбосари Хуршед Мустафаев, Энергетика вазири ўринбосари Умид Мамадаминов, Иқтисодиёт ва молия вазирлиги тегишли департамент директорлари ва бошқа тегишли давлат ташкилотлари вакиллари иштирок этишди.

Семинар кўмир, нефть ва газ каби қазиб олинадиган ёқилғиларни ишлаб чиқариш ва улардан фойдаланишни молиявий қўллаб-қувватлашни амалга оширишнинг турли ёндашувларини муҳокама қилишга қаратилган. Бу атроф-муҳитга салбий таъсирни камайтириш, барқарор ва тоза энергия манбаларига ўтишни рағбатлантириш учун зарурдир.

Тадбир давомида иштирокчилар лойиҳанинг техник хусусиятлари, лойиҳаларни молиялаштириш ва тендер савдолари билан боғлиқ масалаларни кўриб чиқдилар ҳамда ушбу соҳадаги глобал илғор тажрибалар юзасидан фикр алмашдилар.

Муҳокаманинг асосий мавзулари орасида Ўзбекистонда қазиб олинадиган ёқилғи субсидияларини инвентаризация қилиш, субсидиялар ислоҳоти таъсирини баҳолаш, субсидиялар миқдорини аниқлаш методологияси, Иқтисодиёт ва молия вазирлиги томонидан электр энергетика соҳасини қўллаб-қувватлаш бўлди. Хусусан, Барқарор ривожланиш халқаро институти тадқиқотчиси Юлия Охаренко Ўзбекистонда тўғридан-тўғри ва билвосита қазиб олинадиган ёқилғи субсидиялари бўйича ўз тадқиқоти натижаларини тақдим этди. БМТТД Ўзбекистондаги Миллий маслаҳатчиси Ёдгор Файзуллаев субсидиялар ислоҳоти билан боғлиқ хавф ва муаммоларни таҳлил қилиб, энергия самарадорлиги сиёсати моделларини тақдим этди. Иқтисодиёт ва молия вазирлигининг яшил иқтисодиёт сиёсати бўйича маслаҳатчиси Жан-Люк Погер иқтисодий диверсификация зарурлигини таъкидлаб, қазиб олинадиган ёқилғи субсидияларини баҳолаш методологиялари билан ўртоқлашди.

Семинар якунида келгусида ахборот алмашинуви ва маслаҳатлашувлар, шунингдек, яшил иқтисодиёт ташаббусларини илгари суриш бўйича келгуси учрашувлар режалари бўйича келишувларга эришилди.

Семинар қазиб олинадиган ёқилғи субсидияларини босқичма-босқич бекор қилиш ва барқарор иқтисодий ўсишга эришиш ҳамда атроф-муҳитни муҳофаза қилишга қаратилган Ўзбекистон ва Франция ўртасидаги ҳамкорликни мустаҳкамлаш йўлидаги муҳим қадам бўлди.