Ҳурматли матбуот ва оммавий ахборот воситалари ходимлари!
2024-06-27 / Воқеалар тақвими
🎙️ Сўнгги йилларда Ўзбекистонда матбуот ва сўз эркинлигини таъминлаш борасида сезиларли ютуқларга эришилди. Юртимизда мустақил оммавий ахборот воситалари сонининг ўсиб бораётгани ҳам бунга яққол мисолдир.
☑️Алоҳида таъкидлаш керакки, Президентимиз томонидан 2022 йил 27 июнда “Оммавий ахборот воситаларини қўллаб-қувватлаш ва журналистика соҳасини ривожлантириш чора-тадбирлари тўғрисида”ги қарорнинг имзоланиши ҳам ОАВ фаолиятини ҳар томонлама қўллаб-қувватлаш, кадрлар салоҳияти ва рақобатбардошлигини ошириш ва журналистика соҳасини ривожлантириш учун муҳим қадам бўлди.
◀️ОАВларни халқ билан мулоқотнинг ишончли кўпригига айлантириш бўйича кенг кўламли ишлар амалга оширилмоқда. Эркин ва мустақил ОАВлар соғлом иқтисодиёт ҳамда жамият учун ҳам зарур.
Сизларни касб байрамингиз билан яна бир бор табриклаб, ижодий фаолиятингизда катта ютуқлар, хонадонларингизга тинчлик, бахт-саодат ва файз-барака тилаймиз.
Ҳурмат билан, Иқтисодиёт ва молия вазирлиги жамоаси