Ўзбекистон Республикаси Иқтисодиёт ва молия вазирлиги

Интерактив тарзда ўтказилган семинарни “Kaizen Institute Russia” бош директори Виталий Васильев, институтнинг ривожланиш бўйича директори Игорь Помочилин ва муассасанинг Ўзбекистондаги офиси аҳбари Сократ Саркисян олиб борди. Тадбирнинг асосий мақсади қурилиш соҳасига замонавий билим, инновацион ёндашувлар ва самарали бошқарув усулларини кенг жалб этиш, корхоналарда иш жараёнларини оптималлаштириш ҳамда рақобатбардошликни оширишдан иборат бўлди.
 

Машғулотлар давомида иштирокчиларга “Kaizen” тамойиллари, корхона фаолиятида узлуксиз такомиллаштириш маданиятини шакллантириш, ишлаб чиқариш ҳамда бошқарув жараёнларида самарадорликни ошириш бўйича назарий ва амалий маълумотлар берилди. Шунингдек, “Kaizen” бизнес-тизими, уни корхоналарда жорий этишнинг илғор тажрибалари ҳамда самарали жамоаларни шакллантириш масалалари муҳокама қилинди.
 

Семинар дастуридан, шунингдек, “Kaizen” асослари, бизнес-тизим, илғор амалиётлар, “Самарали жамоаларни яратиш” мавзусидаги бизнес-ўйин ҳамда савол-жавоб сессиялари ўрин олди.
 

Тадбир қурилиш компаниялари учун нафақат назарий билим, балки амалий ечимлар алмашинуви майдони бўлиб хизмат қилди. Иштирокчилар корхоналарда ресурслардан оқилона фойдаланиш, ички жараёнларни тизимли йўлга қўйиш, иш сифати ва меҳнат унумдорлигини ошириш бўйича ўзаро фикр алмашди. 
 

Семинар якунида иштирокчиларни қизиқтирган саволларга жавоб берилди ҳамда қурилиш соҳасида замонавий бошқарув ёндашувларини босқичма-босқич жорий этиш муҳимлиги таъкидланди.
 

Ушбу семинар Фарғона вилояти қурилиш корхоналарида ишлаб чиқариш жараёнларини оптималлаштириш, харажатларни камайтириш ва меҳнат унумдорлигини оширишга хизмат қиладиган замонавий бошқарув маданиятини шакллантиришга муҳим ҳисса қўшади.
 

Мазкур ишлар кейинги босқичда Фарғона вилоятида қурилиш соҳасида фаолият юритаётган тадбиркорлик субъектлари фаолиятини жойига чиққан ҳолда ўрганиш, мавжуд муаммо ва имкониятларни диагностика қилиш ҳамда уларнинг самарадорлигини оширишга қаратилган аниқ амалий тавсиялар ишлаб чиқиш орқали давом эттирилади.

Иқтисодиёт ва молия вазирлиги

Ахборот хизмати ва коммуникациялар бошқармаси