“Société Générale” минтақавий директори билан учрашув бўлиб ўтди
2026-06-19 19:05:00 / Вазирлик янгиликлари
Маълумот учун: “Société Générale” — Европанинг энг йирик халқаро молиявий институтларидан бири ҳисобланади. Гуруҳ корпоратив ва институтсионал мижозлар, инвесторлар ҳамда давлат тузилмалари учун кенг кўламли банк ва молиявий хизматларни тақдим этади ҳамда дунёнинг 60 дан ортиқ мамлакатида фаолият юритади.
Учрашув давомида томонлар “Société Générale” билан ҳамкорликнинг бугунги ҳолати ва уни янада ривожлантириш истиқболларини, жумладан, халқаро молия бозорлари, инвестиция фаолияти, хусусийлаштириш жараёнлари ҳамда хорижий капитални жалб этиш йўналишларидаги ҳамкорлик масалаларини муҳокама қилди.
Томонлар Ўзбекистоннинг макроиқтисодий ривожланиши, таркибий ислоҳотларни амалга ошириш жараёнлари, шунингдек, барқарор иқтисодий ўсишни таъминлаш ва инвеститсиявий муҳитни янада яхшилашга қаратилган чора-тадбирлар юзасидан фикр алмашди. Хусусан, давлат корхоналари ҳамда давлат улуши мавжуд банкларни хусусийлаштириш дастурининг амалга оширилишига алоҳида эътибор қаратилди.
Muzokaralar davomida UzNIF aksiyalarining birlamchi ommaviy joylashtirilishi (IPO) natijalari ham muhokama qilinib, “Société Générale” vakillari O‘zbekistondagi istiqbolli investitsiyaviy va xususiylashtirish loyihalarida ishtirok etish hamda hamkorlikni davom ettirishdan manfaatdor ekanliklarini bildirdi.
Uchrashuv yakunida tomonlar o‘zaro manfaatli hamkorlikni yanada mustahkamlash, iqtisodiy islohotlarni qo‘llab-quvvatlash hamda mamlakat iqtisodiyotiga investitsiyalarni jalb etishga qaratilgan qo‘shma loyihalarni amalga oshirishga tayyor ekanliklarini tasdiqladi.
Иқтисодиёт ва молия вазирлиги
Ахборот хизмати ва коммуникациялар бошқармаси