Иқтисодиёт ва молия вазирлиги ходимлари Хотира ва қадрлаш куни муносабати билан “Матонат мадҳияси” пойига гулчамбар қўйиш маросимида иштирок этди
2026-05-09 14:00:00 / Вазирлик янгиликлари
9-май — Хотира ва қадрлаш куни ҳамда Иккинчи жаҳон урушида қозонилган буюк ғалабанинг 81 йиллик байрами муносабати билан Ўзбекистон Республикаси Иқтисодиёт ва молия вазирлиги раҳбарияти ҳамда ходимлари иштирокида Ғалаба боғидаги “Матонат мадҳияси” монументи пойига гулчамбар қўйиш маросими ташкил этилди.
Мазкур тадбир Иккинчи жаҳон уруши йилларида юрт озодлиги ва тинчлиги йўлида жон фидо қилган аждодларимиз хотирасига ҳурмат бажо келтириш, шунингдек, бугунги тинч ва фаровон ҳаётимизни қадрлаш мақсадида ўтказилди.
Маросим давомида вазирлик жамоаси томонидан уруш ва меҳнат фронти фахрийларининг жасорати, мардлиги ва фидойилиги чуқур эҳтиром билан ёд этилди.
Шунингдек, тадбир иштирокчилари томонидан мамлакатимизда фахрийларни эъзозлаш, тарихий хотирани асраб-авайлаш ва ёш авлодни ватанпарварлик руҳида тарбиялаш муҳим аҳамият касб этиши алоҳида таъкидланди.
Тадбир якунида уруш қатнашчилари хотирасига ҳурмат тариқасида монумент пойига гулчамбар ва гуллар қўйилди.
Иқтисодиёт ва молия вазирлиги
Ахборот хизмати ва коммуникациялар бошқармаси