2026 йил I чораги якуни билан қишлоқ, ўрмон ва балиқ хўжалигида мақсадли индикаторларнинг бажарилиши тўғрисида таҳлилий маʼлумот
2026-05-05 14:25:00 / Вазирлик янгиликлари
Деҳқончилик маҳсулотлари ишлаб чиқаришда ўсиш суъратлари 27,4 фоизни ташкил қилиб, мавсумий бўлганлиги муносабати билан фақатгина иссиқхоналарда 102 минг тонна сабзавот ишлаб чиқарилди ҳамда ўтган йилнинг мос даврига нисбатан 29 фоизга ўсиш кузатилди.
Чорвачилик маҳсулотлари ишлаб чиқариш 3,3 фоизни ташкил этди, хусусан, гўшт ишлаб чиқариш 2,9 фоизга, сут 4,1 фоизга, тухум 5,7 фоизга, жун 29 фоизга, қоракўл 5 фоизга ошди.
Қишлоқ хўжалигида иқтисодий ўсиш суръатларини таъминлашнинг асосий омиллари бўлиб қуйидагилар хизмат қилди:
1. 2025 йилда иссиқхоналарга 4,9 минг гектар (2,8 минг га помидор, 1,1 минг га бодринг, 167 га ширин қалампир, 56 га бақлажон, 613 га лимон, 45 га қулупнай ва 167 га майдонда бошқа турдаги) қишлоқ хўжалиги экинлари экилди. Ушбу майдонлардан 2025 йил октабр ойидан 2026 йилнинг май ойигача 254 минг тонна ҳосил олинади.
2. 2025 йил охирида «тўқсонбости» усулида 752 минг гектар майдонлардан 2026 йил апрель-май ойларида 10 млн тонна эртаки сабзавот ҳосили етиштирилади.
3. 2025 йилда чорвачилик дастурлари доирасида амалга оширилган 5,1 трлн сўмлик 1 123 та лойиҳаларни (67,2 минг бош қорамол, 110,6 минг бош майда шохли қорамол, 731 бош йилқичилик, 155,7 млн бош парранда, 8,4 минг бош қуён боқиш ҳамда 2,3 минг асалари оиласи, 35,4 минг тонна гўшт ва сутни қайта ишлаш ва 80,8 минг тонна омухта ем ишлаб чиқариш қувватларини ташкил қилиш) ишга тушиши ҳисобига чорвачилик маҳсулотлари ишлаб чиқариш кўрсаткичларини ўсишига эришилади.
Иқтисодиёт ва молия вазирлиги
Ахборот хизмати ва коммуникациялар бошқармаси