Ўзбекистон Республикаси Иқтисодиёт ва молия вазирлиги

Учрашув давомида мамлакатда демографик дивиденддан фойдаланиш истиқболлари, инсон капиталига инвестицияларни кенгайтириш ҳамда барқарор иқтисодий ўсишни таъминлашга қаратилган устувор йўналишлар муҳокама қилинди.
 

Шу билан бирга, аҳолининг ўсиши ва ёш таркибидаги ўзгаришлар фонида инсон капиталини ривожлантириш, жумладан таълим, соғлиқни сақлаш, ижтимоий ҳимоя ва бандлик соҳаларига инвестицияларни ошириш муҳим аҳамият касб этиши қайд этилди. Мазкур йўналишлар иқтисодий ўсишни жадаллаштиришда ҳал қилувчи омил сифатида эътироф этилди.
 

Учрашувда, шунингдек:
 

ҳудудлар кесимида демографик прогнозларнинг аниқлигини ошириш;
 

демографик дивиденддан фойдаланиш самарадорлигини баҳолаш механизмларини такомиллаштириш;
 

замонавий рақамли платформаларни жорий этиш;
 

илмий-тадқиқот ва таҳлилий ишларни кучайтириш масалалари юзасидан фикр алмашилди.
 

Томонлар демографик имкониятлардан самарали фойдаланиш орқали мамлакатнинг узоқ муддатли иқтисодий барқарорлигини таъминлаш, рақобатбардошлигини ошириш ҳамда аҳоли фаровонлигини юксалтириш бўйича ҳамкорликни янада ривожлантиришга келишиб олдилар.

Иқтисодиёт ва молия вазирлиги

Ахборот хизмати ва коммуникациялар бошқармаси