Камбағалликни қисқартириш ва бандлик вазирлиги ҳамда Миллий статистика қўмитаси мутахассислари учун дастурий бюджетлаштириш тизимини самарали жорий этиш мавзусида ўқув семинари ташкил этилди
2026-03-26 10:30:00 / Вазирлик янгиликлари
Семинарда мазкур вазирлик ва идораларнинг марказий аппарати ҳамда тизим ташкилотнинг масъул ходимлари иштирок этди.
Семинарда Иқтисодиёт ва молия вазирлигининг мутахассислари томонидан бюджет дастурларини ишлаб чиқиш, мониторингини юритиш ва уларнинг самарадорлигини баҳолаш бўйича тақдимотлар ҳамда ушбу вазирлик ва идораларнинг бюджет дастурларининг паспортларини шакллантириш юзасидан амалий машғулотлар ўтказилди.
Семинар иштирокчилари томонидан асосан бюджет дастурларини мақсадли индикаторларини танлаб олиш методологияси, бюджет дастурлари учун администраторларни белгилаб олиш ва бюджет дастурларининг қуйи дастур ва тадбирларини ишлаб чиқиш талаблари масалалари юзасидан қизиқиш ва саволлар берилиб, тренинглар музокараларга бой ўтди.
Ўтказилган семинар- тренинглар натижасида вазирлик ва идораларнинг мутахассисларининг институционал салоҳияти ошишига эришилиши ҳамда ушбу вазирлик ва идоралар томонидан жорий йилнинг 1 майига қадар ўз бюджет дастурларининг дастлабки таҳрири шакллантирилиши кутилмоқда.
Иқтисодиёт ва молия вазирлиги
Ахборот хизмати ва коммуникациялар бошқармаси