iCRAFT лойиҳаси доирасида Жаҳон банки томонидан 1-транш грант маблағлари ажратилди
2024-06-12 10:35:00 / Вазирлик янгиликлари
Лойиҳанинг “Қисқартирилган эмиссияларни сотиб олиш шартномаси” (ERPA) компоненти доирасидаги ислоҳотларни, хусусан, энергия тарифлари ислоҳотининг аҳолининг ижтимоий заиф қатламларига бўлган таъсирини юмшатиш ва уларни моддий қўллаб-қувватлаш мақсадида Жаҳон банки томонидан 7,5 млн АҚШ доллари миқдорида 1-транш маблағлари ажратилди.
1-транш маблағлари – халқаро иссиқхона газлари савдоси симуляцияси сифатида Ўзбекистонга қайтариб бериладиган қисқартирилган иссиқхона газлари эммисияси учун ажратилган грант маблағлари ҳисобланади.
Маълумот учун: iCRAFT лойиҳаси Ўзбекистонда Жаҳон банки иштирокида амалга оширилаётган энергетика соҳасидаги ислоҳотларни қўллаб-қувватлаш бўйича дунёдаги биринчи глобал ташаббуси бўлиб, ислоҳотлар натижасида иссиқхона газлари эмиссияларини камайтиришга ва уларнинг бир қисмини халқаро бозорларда савдосини йўлга қўйишга қаратилган.
Ажратилган маблағлар юқорида келтирилган қарорга мувофиқ республикани яшил иқтисодиётга ўтиш жараёнини жадаллаштириш, иссиқхона газларини чиқарилишини мониторинг қилиш (MRV) тизимини ташкил қилиш, янги ташкил этилган Энергетика бозорини ривожлантириш ва тартибга солиш агентлиги ва “Ўзенергосотиш” АЖ фаолиятини қўллаб-қувватлаш, шунингдек энергетика соҳасини тартибга солиш ва институтсианал ислоҳотларни амалга ошириш, қуёш панелларини ўрнатиб бериш орқали ижтимоий ҳимояга муҳтож бўлган оилаларни қўллаб-қуувватлашга қаратилган пилот лойиҳаларни амалга ошириш, мамлакатда энергия самарадорлигини ошириш каби чора-тадбирларни молиялаштириш учун йўналтирилади.
Иқтисодиёт ва молия вазирлиги
Ахборот хизмати