Суверен рейтингнинг ўсиши Ўзбекистон учун хориждан арзонроқ қарз жалб қилиш имкониятларини яратади
2026-02-10 17:00:00 / ОАВ биз ҳақимизда
Унинг сўзларига кўра, эришилган макроиқтисодий натижалар Фитч, S&P ва Moody’s каби халқаро ташкилотлар ҳамда рейтинг агентликларининг баҳоларида ўз аксини топган. «Учала агентликнинг деярли ҳар бири Ўзбекистон рейтингини бир поғонага оширди», — дея таъкидлади у.
«Газета.уз»нинг ёзишича, рейтингларнинг яхшиланиши мамлакатнинг халқаро молия бозорларидаги фаолият шароитларига бевосита таъсир кўрсатган: қарз олиш имкониятлари кенгайиб, ташқи молиявий ресурслар таннархи пасайган.
Хусусан, хориждан жалб қилинган ресурслар бўйича фоиз ставкаси 1–1,5 фоиз бандга пасайди, бу эса ташқи қарзга хизмат кўрсатишда ҳар йили 250–300 миллион доллар тежаш имконини беради.
Эслатиб ўтамиз, S&P агентлиги Ўзбекистоннинг рейтингини 2018 йилдан буён илк бор «BB-»дан «BB» даражасига кўтарди. Фитч Ратингс эса етти йил ичида биринчи марта рейтингни «BB-»дан «BB»га яхшилади. Моодйъс рейтингни «Bа3» даражасида сақлаб қолган бўлсада, унинг кутилмасини «барқарор»дан «ижобий»га ўзгартирди.