Ўзбекистон Республикаси Иқтисодиёт ва молия вазирлиги

Қарорга кўра, Ўзбекистон Республикасида “яшил” иқтисодиётга ўтишда миллий шаффофлик (MRV) тизими йўлга қўйилди.

Маълумот учун: Миллий шаффофлик тизими Париж битимининг 13-моддасига мувофиқ ишлаб чиқилган бўлиб, жорий MRV тизимининг такомиллаштирилган ва кенгайтирилган версияси ҳисобланади.

Иқтисодиёт ва молия вазирлиги миллий шаффофлик тизимининг миллий органи ҳисобланиб, тизим доирасида вазирлик ва идоралар (тармоқ мувофиқлаштирувчилари) фаолиятини мувофиқлаштиради ҳамда MRV тизими талабларига мувофиқ иссиқхона газларига оид маълумотларнинг тўлиқлиги, тўғрилиги ва сифатини назорат қилади.

Шунингдек, 2025 йилдан бошлаб ҳар 5 йилда Париж битими доирасида иқлим ўзгариши оқибатларини камайтириш бўйича миллий мажбуриятни (NDC) белгилайди.

Мазкур тизим доирасида иссиқхона газлари тўғрисидаги маълумотлар вазирлик ҳузурида ташкил этилган “Яшил иқтисодиёт” онлайн платформасига белгиланган муддатларда жойлаштириб борилади.

Шунингдек, Қарорга мувофиқ қуйидагиларни амалга ошириш белгиланди:

- иссиқхона газлари ажратмалари қисқартирилишининг миллий реестрини жорий этиш;

- миллий шаффофлик тизими онлайн платформасини ишга тушириш ҳамда унинг фаолияти Иқтисодиёт ва молия вазирлиги ҳузуридаги “Яшил иқтисодиёт лойиҳалари маркази” томонидан мувофиқлаштирилиши;

- 2025 йилга қадар тажриба-синов тариқасида муайян соҳа, ҳудуд ва корхоналарда иссиқхона газлари ажратмаларини хатловдан ўтказиш;

- MRV тизимини жорий этиш тартиби ва функцияларини тартибга солувчи Низом ҳужжатини ишлаб чиқиш;

- иссиқхона газлари ажратмалари ҳажмини ҳисоблаш бўйича услубий қўлланмалар ишлаб чиқиш.

Иқтисодиёт ва молия вазирлиги

 Ахборот хизмати