Евросиё барқарорлаштириш ва тараққиёт жамғармаси билан ҳамкорлик истиқболлари муҳокама қилинди
2026-02-19 17:40:00 / Вазирлик янгиликлари
Маълумот учун: Евросиё барқарорлаштириш ва тараққиёт жамғармаси — 2009 йилда Арманистон, Беларус, Қозоғистон, Қирғизистон, Россия ва Тожикистон томонидан ташкил этилган 8,5 миллиард долларлик минтақавий молиявий механизм. Жамғарма инқирознинг салбий оқибатларини бартараф этиш, узоқ муддатли барқарорликни таъминлаш ва Жамғармага аъзо давлатлар иқтисодиётларининг интеграциялашувига кўмаклашиш мақсадида ташкил этилган.
Учрашув давомида Жамғарманинг фаолияти, унинг молиявий қўллаб-қувватлаш инструментлари ҳамда иштирокчи давлатларда амалга оширилаётган устувор йўналишлар батафсил муҳокама қилинди. Хусусан, макроиқтисодий барқарорликни таъминлаш, инфратузилма ва институционал лойиҳаларни молиялаштириш масалаларига алоҳида эътибор қаратилди.
Шунингдек, Ўзбекистонда амалга оширилаётган кенг кўламли иқтисодий ислоҳотлар, барқарор иқтисодий ўсишни таъминлаш, давлат молиясини бошқариш самарадорлигини ошириш ва инвестиция муҳитини яхшилаш бўйича олиб борилаётган ишлар ҳамда мазкур йўналишларда ҳамкорлик истиқболлари муҳокама қилинди.
Учрашув якунида конструктив мулоқотни давом эттиришга келишилди.
Иқтисодиёт ва молия вазирлиги
Ахборот хизмати ва коммуникациялар бошқармаси