Осиё тараққиёт банки вакиллари билан Ўзбекистонда давлат харидлари тизимини такомиллаштириш юзасидан учрашув бўлиб ўтди
2024-06-06 17:30:00 / Вазирлик янгиликлари
Учрашувда Иқтисодиёт ва молия вазири ўринбосари Гулнора Рахимова бошчилигидаги вазирлик вакиллари ҳамда Осиё тараққиёт банкининг Портфолио ва молиявий бошқариш департементи директори Жеспер Педерсен, шунингдек давлат харидлари бўйича мутахассиси Оливер Леонард иштирок этди.
Учрашув давомида давлат харидлари тизимида амалга оширилаётган ислоҳотлар, хусусан, барқарор давлат харидларини жорий этилиши бўйича ҳуқуқий база яратилиши, давлат харидлари электрон тизимларини такомиллаштириш, давлат харидларида ишончли тадбиркорлик субъектларини қўллаб-қувватлаш масалалари атрофлича муҳокама қилинди.
Шу билан бирга, «Ўзбекистонда давлат харидлари субъектларининг малакаси баҳолаш» лойиҳасини амалга ошириш, бунда давлат буюртмачиларининг давлат харидлари бўйича масъул мутахассисларига қўйиладиган малака талабларини белгилаш, давлат харидлари бўйича малака ошириш тизимини такомиллаштириш масалалари бўйича ҳамкорлик йўналишлари белгилаб олинди.
Учрашув якунида, томонлар ўзаро манфаатли ҳамкорликни давом эттириш ва ривожлантиришга келишиб олдилар.
Иқтисодиёт ва молия вазирлиги
Ахборот хизмати