Ўзбекистон-Туркия бизнес-форуми доирасида “Daiichi Electronics” раҳбарияти билан учрашув бўлиб ўтди
2024-06-05 16:10:00 / Вазирлик янгиликлари
2002 йилда 100% турк капитали билан ташкил этилган ва “Dogan Holding”нинг шоъба корхонаси бўлган “Daiichi Electronics” автомобиллар учун юқори сифатли ақлли навигация аудио ва видео тизимларини ишлаб чиқаришга ихтисослашган.
Компания “Android” ва “Bluetooth” каби энг сўнгги смартфон уланишларини қўллаб-қувватлайдиган автомобил кўнгилочар тизимлари бўйича илғор ечимлари билан машҳур.
Учрашув давомида автомобиллар учун электрон компонентлар ишлаб чиқаришни маҳаллийлаштириш, шунингдек, ушбу соҳадаги ҳамкорлик истиқболлари муҳокама қилинди. Туркия компанияси атроф-муҳит тамойилларига мос келадиган замонавий технологияларни ривожлантиришга сармоя киритишга ва маҳаллий компаниялар билан ҳамкорликни ривожлантиришга тайёрлигини билдирган ҳолда Ўзбекистон бозорига қизиқишини қайд этди.
Томонлар ўзаро манфаатли натижаларга эришиш учун конструктив мулоқотни давом эттириш истагини билдирган ҳолда иқтисодий алоқаларни мустаҳкамлаш ва илғор тажрибалар алмашиш учун бундай учрашувларнинг муҳимлигини таъкидладилар.
Иқтисодиёт ва молия вазирлиги
Ахборот хизмати