“UzVC Demo Day & Central Asia Venture Conference 2025” тадбири бўлиб ўтди
2025-12-05 19:15:00 / Раҳбариятнинг баёнотлари ва нутқлари
Мазкур тадбирда венчур фондлар, стартап асосчилари, акселераторлар, технологик компаниялар, юридик ва молиявий маслаҳатчилар ҳамда халқаро инвесторлар, жумладан АҚШнинг “Techstars”, “Orbit Ventures” ва “Elpis Labs”, Европанинг “Tensor Ventures” ва “Domino Ventures”, Буюк Британиянинг “LTV Capital”, “Sturgeon Capital”, Европа мамлакатлари венчур фондлари ҳамда “Big Sky Capital”, “Activat VC”, “MOST Ventures”, “White Hill Capital” каби компаниялар ва акселератор ташкилотларининг вакиллари қатнашди.
Тадбир доирасида “UzVC” миллий венчур фонди – фондлар фонди ҳамда Қозоғистоннинг “Alem Venture Fund” фондлар фонди билан биргаликда “Big Sky Capital” венчур фондига маблағларни бошқарувга бериш бўйича келишувга эришилди.
Шу билан бирга, Иқтисодиёт ва молия вазирлиги, “UzVC” миллий венчур фонди, “AKS Services Group” вакиллари, IFC, Asian Development Bank, UNDP, “Techstars”, “Orbit Ventures”, “Tensor Ventures”, “LTV Capital” каби ҳамкорлар билан учрашув ва муҳокамалар ўтказилиб, келгусидаги қўшма лойиҳалар ҳамда ҳамкорлик қилиш имкониятлари юзасидан келишиб олинди.
Тадбир давомида Ўзбекистонда амалга оширилаётган ислоҳотлар, стартаплар учун яратилаётган имкониятлар, хорижий инвестицияларни жалб қилиш механизмлари, шунингдек, “SGP 2.0” дастурининг дастлабки натижалари муҳокама қилинди.
“Startup Growth Program 2.0” дастурида иштирок этган 12 та стартап халқаро инвесторлар, акселераторлар ва экспертлар олдида ўз тақдимотларини (pitch) амалга оширди ҳамда уларга потенциал инвесторлар томонидан қизиқиш билдирилди.
Иқтисодиёт ва молия вазирлиги
Ахборот хизмати