«Ҳудудий мастер режалар: илғор хорижий тажрибани Ўзбекистонда қўллаш» мавзусида амалий семинар ўтказилмоқда
2025-12-11 16:30:00 / Вазирлик янгиликлари
Семинар Иқтисодиёт ва молия вазирлиги томонидан Жаҳон банки ҳамда Германия халқаро ҳамкорлик жамияти (GIZ) кўмагида, халқаро шаҳарсозлик ва архитектура компаниялари иштирокида ташкил этилмоқда.
Куннинг биринчи ярмида Жаҳон банкининг Ўзбекистондаги офиси катта мутахассиси Моҳамед Нада мастер режа ва фазовий режаларни ишлаб чиқишнинг 12 та тамойили ва босқичлари бўйича тақдимот қилди.
Буюк Британиянинг “Arup” компанияси вакиллари Артур Смарт ва Хайме Траспадерн томонидан мастер режа ва фазовий режаларни ҳудудларни ривожлантириш, янги шаҳарларни барпо қилишдаги аҳамияти, балансли ривожланиш масалалари ҳамда ушбу йўналишларда илғор хорижий тажрибалар ҳамда сунъий интеллект имкониятларидан фойдаланиш бўйича тақдимотлар қилинди.
Шунингдек, GIZ томонидан техник кўмак доирасида яшил пилот лойиҳаларни амалга ошириш, жумладан, 2026 йилдан бошлаб «яшил» мастер режаларни амалиётга жорий қилиш бўйича тушунчалар берилди.
Амалий семинар ўз ишини давом эттирмоқда.
Иқтисодиёт ва молия вазирлиги
Ахборот хизмати ва коммуникациялар бошқармаси