Ўзбекистон Республикаси Ички ишлар вазирлигида Ўзбекистон Қуролли Кучлари ташкил этилганлигининг 33 йиллиги ҳамда Ватан ҳимоячилари куни муносабати билан тантанали байрам тадбири бўлиб ўтди
2025-01-14 16:00:00 / Янгиликлар
Тадбирда ўз ҳаётини эл-юрт осойишталигини сақлашдек улуғ ва олийжаноб ишга бағишлаб, жиноятчиликка қарши курашиш, ҳуқуқбузарликларни олдини олишда фидойилик билан хизмат қилиб келаётган ички ишлар органлари шахсий таркиби ҳамда фахрийлар ва хизмат бурчини бажариш чоғида ҳалок бўлган ходимларнинг оила аъзолари қатнашдилар
Тантанали маросимда Ички ишлар вазири Пўлат Бобожонов мамлакатимиз Қуролли Кучларининг муҳим асоси бўлган ички ишлар органларида амалга оширилаётган кенг кўламли ислоҳотлар ҳақида тўхталиб, тизимни фуқароларга ўз вақтида ва сифатли хизмат кўрсатадиган, ҳар бир ходим Ватанга ва халққа садоқат билан хизмат қилишни – олий бурчи деб биладиган, барча саъй-ҳаракатларини инсон қадри учун йўналтирган профессионал тузилмага айланганлигини алоҳида таъкидлаб, соҳада хизмат қилаётган барча ходимларга байрам табригини йўллади.
Тадбир давомида ходимларнинг хизмати юксак эътироф этилиб, Ватан ҳимоячилари куни муносабати билан Давлатимиз раҳбарининг фармони асосида 10 нафар ички ишлар органлари ходимлари давлат мукофотларига, шунингдек Ички ишлар вазири Пўлат Бобожоновнинг буйруғи билан 432 нафар шахсий таркиб ва фахрийлар турли идоравий мукофотларга сазовор бўлдилар. Шу билан бирга махсус унвонлар тақдим этилди.
Байрам тадбирида фахрийлар, мукофотга сазовор бўлган ходимлар ҳамда жамоатчилик вакиллари сўзга чиқиб, Ватанга ва халққа садоқат билан хизмат қилиш шарафли бурч эканлигини таъкидладилар.