Ўзбекистон Республикаси Ички ишлар вазирлиги

Мазкур вазифалар ижросини таъминлаш мақсадида, жорий йилнинг 24 декабрь куни Ички ишлар вазири генерал-лейтенант Пўлат Бобожонов раҳбарлигидаги ишчи гуруҳ Тошкент шаҳрининг Сирғали ва Янгиҳаёт туманларида ўрганиш ишларини олиб борди. Ушбу тадбирларда соҳа мутасаддилари, ҳамкор ташкилотлар вакиллари ҳамда маҳаллий ҳокимлик органлари иштирок этди.

Жумладан, ишчи гуруҳ томонидан пойтахтимизнинг Сирғали тумани “Фароғатли” маҳалласида жойлашган “Veolia Energy Tashkent” қўшма корхонаси, шу туман “Софдил” маҳалласидаги “Ҳудудий электр тармоқлари” акциядорлик жамияти, туманнинг “Зийнат” ва “Эзгулик” маҳаллаларига хизмат кўрсатувчи “Ҳаёт” бошқарув сервис компанияси, шунингдек Янгиҳаёт туманидаги “Aktam Taʼmir Servis” бошқарув сервис компанияси фаолиятлари ўрганилиб, аҳолини куз-қиш мавсумида электр энергия билан узлуксиз таъминланганлиги ҳамда авариявий ва бошқа нохуш ҳолатлар юзага келишини олдини олиш ва бартараф этиш чоралари самарали ташкил этилганлиги билан танишилди.

Ўрганишлар жараёнида аҳоли турар жойларида электр энергияси ва иссиқ сув барқарорлиги таъминланиб келаётганлигига, масъул идора ва ташкилотларда барча зарур техникалар мавжудлиги ҳамда захира ресурслари ғамланганлигига алоҳида эътибор қаратилди.

Тадбир давомида ишчи гуруҳ томонидан Сирғали тумани ички ишлар органлари фаолиятини мувофиқлаштириш бошқармаси фаолияти ўрганилди. Жараёнда, тунги хизматга жалб этилган шахсий таркиб ва бириктирилган куч ва воситаларнинг шайлиги, шунингдек уларнинг тезкор вазиятни барқарорлигини таъминлашга тайёргарлиги текширилиб, хизмат фаолиятини такомиллаштириш юзасидан аниқ вазифалар берилди.

Шунингдек, ички ишлар органлари фаолиятини такомиллаштириш ҳамда фуқароларга қулайлик яратиш мақсадида Янгиҳаёт тумани “Йўлдош” мавзесида янгидан барпо этилаётган Янгиҳаёт тумани ички ишлар органлари фаолиятини мувофиқлаштириш бошқармаси биносидаги қурилиш ишлари билан танишилди. Мутасаддиларга идорани қисқа муддатларда сифатли қуриб битириб, фаолият бошлашига қаратилган кўрсатмалар берилди.

Тадбир жараёнида ишчи гуруҳ Янгиҳаёт туманида фаолият кўрсатаётган “Меҳрибоғ” номидаги маданият ва истироҳат боғида хизматни ташкил этиш, фуқаролар хавфсизлигини қай даражада таъминланганлиги ҳамда мажмуада Янги йил байрамини ўтказиш жараёнида аҳоли учун яратилган шарт-шароитлар ўрганилди.

Мажмуага хавфсизликни таъминлашга жалб қилинган ходимларнинг ахборотлари тингланди, уларнинг ҳуқуқбузарликларни олдини олиш бўйича тезкор шайлик ҳолати назорат тариқасида текширилди, шунингдек ҳуқуқни муҳофаза қилувчи органлари билан ҳамкорликда хизматни ташкиллаштириш борасида тегишли кўрсатмалар берилди.

Ўрганишлар жараёнида, аниқланган барча камчиликлар танқидий муҳокама қилиниб, келгусида хизмат фаолиятини такомиллаштиришга оид мақсадли чора-тадбирлар белгилаб олинди.

Ишчи гуруҳнинг ўрганишлари мамлакатимизнинг бошқа ҳудудларида давом этмоқда.