Ўзбекистон Республикаси Ички ишлар вазирлиги

Тинч юртга байрам ва тантаналар ярашади. Бу йил мустақиллигимизнинг 33 йиллиги байрам сифатида юртимизнинг барча ҳудудларида кўтаринки кайфиятда нишонланмоқда. Ажиб шукроналик ва юртга дахлдорлик туйғуларини ўзида акс эттирган бу йилги ҳурлик шодиёналари «Бир бўлсак – ягона халқмиз, бирлашсак – Ватанмиз!» шиори остида ўтказилишида ҳам рамзий маъно мужассам.

Байрам тадбирлари Ички ишлар вазирлиги тизимида ҳам муносиб кутиб олинди.

Вазирлик Маданият саройида бўлиб ўтган байрам тадбирини Ўзбекистон Республикаси Ички ишлар вазири генерал-лейтенант Пўлат Бобожонов очиб берди. Тинчлик осойишталикни таъминлашда ички ишлар органлари ходимлари томонидан кўрсатилаётган фидоийлик, ўз қасамёдига содиқ ходимлар мамлакатимиз раҳбари томонидан ҳамиша эъзозланиши таъкидлаб ўтилди. Шунингдек, яқинда Францияда ўтказилган Олимпиада мусобақаларида Ўзбекистон шарафини ҳимоя қилган, улкан матонат ва мардлик кўрсатиб, Ўзбекистон мадҳиясини жаҳон ареналарида янгратган ходимлар эътироф этилиб уларнинг жасорати яна бир бор мадҳ этилди.

Шундан сўнг, тадбир маросимида халқимиз осойишталигини мустаҳкам таъминлашда, қонун устуворлиги ва тинчликни таъминлаш, жамоат тартибини мустаҳкамлаш борасидаги шарафли бурчини бажариш чоғида мардлик, жасорат ва фидойилик кўрсатгани, соҳада юқори малакали кадрларни тайёрлаш, ёш авлодни она Ватанга муҳаббат ва садоқат руҳида тарбиялаш йўлидаги кўп йиллик самарали меҳнати ҳамда ижтимоий ҳаётдаги фаол иштироки учун бир гуруҳ Ички ишлар органлари ходимларига давлатимиз раҳбарининг фармони билан давлат мукофотлари орден ҳамда медаллар тантанали топширилди.

Жумладан, Ўзбекистон Республикаси Президентининг Фармони билан тақдирланганларга:

«Мардлик» ордени Тошкент шаҳар Ички ишлар бош бошқармаси бошлиғи ўринбосари полковник Аликариев Муродилла Сайдуллаевичга;

«Дўстлик» ордени Қорақалпоғистон Республикаси Ички ишлар вазирлиги ҳарбий сафарбарлик бўлими муҳим топшириқлар бўйича инспектори подполковник Лим Михаил Александровичга;

«Жасорат» медали Қашқадарё вилояти Кўкдала тумани ички ишлар бўлими йўл-патруль хизмати инспектори марҳум катта сержант Примов Элдор Уктамовичнинг турмуш ўртоғига, Махсус операцияларни мувофиқлаштириш бошқармаси Самарқанд вилояти бўйича махсус отряди гуруҳ командири подполковник Таиров Руслан Каримовичга, Тошкент вилояти Ички ишлар бош бошқармаси тезкор вазифаларни бажарувчи сафарбар отряди командири ўринбосари майор Зикиров Жамолиддин Тохиржоновичга;

«Содиқ хизматлари учун» медали Самарқанд шаҳар ички ишлар органлари фаолиятини мувофиқлаштириш бошқармаси бошлиғи полковник Ибрагимов Исматжон Нигматжоновичга, Фарғона вилояти Ички ишлар бошқармаси жамоат тартибини сақлаш бошқармаси бошлиғи полковник Эргашев Илхом Абдумуталифовичга, Транспорт ва туризм объектларида хавфсизликни таъминлаш департаменти батальон командири подполковник Гулямов Элдар Истамовичга, Бухоро вилояти Ғиждувон тумани ички ишлар бўлими тергов бўлими бошлиғи подполковник Рустамов Жасурбек Илхомовичга, Қашқадарё вилояти Қамаши тумани ички ишлар бўлими бошлиғи подполковник Раҳимов Нодирбек Муйидиновичга, Сирдарё вилояти Ховос тумани ички ишлар бўлими профилактика инспектори майор Душаев Анваржон Худойбердиевичга, Наманган вилояти Давлатобод тумани ички ишлар бўлими патруль-пост хизмати отряди бўлинма командири сафдор Эшанжанов Сайдуллохон Низомовичга, Тошкент шаҳар Ички ишлар бош бошқармаси кинология хизмати кичик инспектор-кинологи сафдор Гончаров Алексей Сергеевичга;

«Шуҳрат» медали Навоий вилояти Навбаҳор тумани ички ишлар бўлими бошлиғи ўринбосари подполковник Рузимуродов Вохиджон Асатуллаевичга, Хоразм вилояти Тупроққалъа тумани ички ишлар бўлими тезкор-қидирув хизмати катта тезкор вакили майор Қурбонов Қувондиқ Каримовичга, Жиззах вилояти Шароф Рашидов тумани ички ишлар бўлими профилактика катта инспектори капитан Каримов Ғолиб Толибоевичга, Сурхондарё вилояти ИИБ шимолий минтақавий ҳудуд патруль-пост хизмати отряди бўлинма командири сафдор Қодиров Сирожиддин Надирхановичга тантанали равишда топширилди.

Шунингдек маросимда айни кунда Ички ишлар органларида ўзининг самарали хизмати билан алоҳида намуна кўрсатаётган ходимлар вазирлик идоравий кўкрак нишонлари, махсус унвон ва қимматбаҳо совғалар билан тақдирланди.

Албатта берилаётган бундай юксак эътибор ва ғамхўрлик ҳар бир ходимга катта масъулият билан бирга, туну кун ўз устидан ишлаш, жамоат хавфсизлигини таъминлаш учун барча куч-воситаларни сафарбар этиш мажбуриятини юклайди.

Эслатиб ўтамиз, бу каби байрам тадбирлари барча ҳудудий ички ишлар органларида ўтказилмоқда.