Андижон вилояти ИИБ бошлиғи “Ёшлар куни” доирасида маъмурий ҳуқуқбузарлик содир этган ёшлар билан учрашиб, уларнинг муаммоларини тинглади
2026-02-26 18:00:00 / Янгиликлар
Андижон вилояти ички ишлар органларида Президентимиз ташаббуси билан ўтказилаётган “Ёшлар куни” доирасида очиқ мулоқот ҳамда бошқа бир қатор тадбир ташкил этилмоқда.
Хусусан, Андижон вилояти ИИБ бошлиғи, полковник Санжар Джабаров томонидан вилоят ИИБ ЖХХ Жамоат тартибини сақлаш бошқармаси Махсус қабулхонасида сақланаётган ёшлар билан учрашув ўтказилиб, уларнинг мурожаат ва муаммолари яқиндан ўрганилди.
Учрашувда ёшлар учун яратилган имкониятлар, имтиёзлар ҳамда қўллаб-қувватлаш механизмлари ҳақида батафсил маълумот берилди. Тадбирда 5 нафар ёшлар ишга жойлашиш, 7 нафари тадбиркорлик фаолиятини бошлаш, 6 нафари кредит маблағлари ажратиш ва бошқа турли масалалар юзасидан мурожаатлар билдирди.
Ушбу мурожаатлар масъуллар иштирокида кўриб чиқилиб, тез фурсатларда ҳал этиш чоралари кўриладиган бўлди.
Мулоқот жараёнида бошқарма бошлиғи томонидан ёшларга қайта ҳуқуқбузарлик содир этмаслик, қонунларга ҳурмат билан ёндашиш ҳамда ҳаётда тўғри йўл танлаш зарурлиги юзасидан тушунтириш ва тавсиялар берилди.
Билдирилган масалалар юзасидан тегишли масъулларга аниқ топшириқлар берилиб, ижроси алоҳида назоратга олинди.
Андижон вилояти ИИБ Ахборот хизмати