Ички ишлар вазирлиги раҳбарияти томонидан Тошкент вилояти ҳудудида 2025 йил якуни бўйича жиноятчиликка қарши курашиш, унинг олдини олиш, жамоат тартиби ва фуқаролар хавфсизлигини таъминлаш борасида йиғилиши бўлиб ўтди
2026-01-21 09:00:00 / Янгиликлар
Тошкент вилояти ИИББда Ички ишлар вазирининг биринчи ўринбосари, полковник Аюбхон Рахматуллаев иштирокида 2025 йил якунларига бағишланган кенгайтирилган йиғилиш бўлиб ўтди.
Тадбирда вилоят ИИББ раҳбарияти, соҳавий хизмат бошлиқлари, шунингдек туман ва шаҳар ички ишлар органлари раҳбарлари ҳамда уларнинг ўринбосарлари қатнашди.
Йиғилишда Бош бошқарма бошлиғи ўринбосари, полковник Отабек Хаджаев томонидан 2025 йил давомида ҳуқуқбузарлик ва жиноятларнинг барвақт олдини олиш, содир этилган жиноятларни “иссиқ изида” фош этиш, жамоат тартиби, фуқаролар ва йўл ҳаракати хавфсизлигини таъминлаш борасида амалга оширилган ишлар, шунингдек мавжуд камчиликлар юзасидан ахборот берилди.
Йиғилиш танқидий-таҳлилий руҳда ўтиб, вазир ўринбосари ходимларнинг хизмат интизомига қатъий риоя этиши, қонунчилик талабларига сўзсиз амал қилиши, хизмат вазифаларига виждонан ёндашиши ҳамда ватанга, хизматга ва халққа садоқат билан хизмат қилиши зарурлигини алоҳида таъкидлади.
Шунингдек, 2026 йилда вилоятда ички ишлар органлари томонидан амалга оширилиши режалаштирилган устувор вазифалар муҳокама қилиниб, ҳар бир йўналиш бўйича аниқ чора-тадбирлар белгилаб олинди.
Йиғилиш якунида масъулларга фуқаролар хавфсизлигини таъминлаш, жиноятчилик ва ҳуқуқбузарликларнинг барвақт олдини олиш бўйича тамомила янгича тизим асосида иш ташкил этиш, шунингдек берилган вазифа ва топшириқларни ўз вақтида ҳамда сифатли бажариш юзасидан тегишли кўрсатмалар берилди.
Тошкент вилояти ИИББ Ахборот хизмати