Мардлар қўриқлайди Ватанни. Илғорлик унга ярашади
2026-01-13 11:20:00 / Янгиликлар
Майор Абдулазиз Жўраев Фарғона вилоятининг Учкўприк туманида, оддий ишчилар оиласида дунёга келган. Оилада тўрт ўғилнинг кенжаси бўлган лавҳамиз қаҳрамони ҳарбий хизматдан сўнг, 2012 йили ИИВ Тошкент олий ҳарбий-техник билим юртига ўқишга кирди. 2016 йилда тактик-тарбиявий қўмондонлик йўналиши бўйича олийгоҳни муваффақиятли тамомлади.
Мана, салкам ўн йилдирки, у ИИВ Қоровул қўшинларига қарашли 7531-ҳарбий қисмда хизмат қилмоқда. Дастлаб гуруҳ командири сифатида хизматни бошлаган бўлса, ҳозир 2-батальон командири лавозимида.
- Шарафли касбимдан ғурурланаман, — дейди майор Абдулазиз Жўраев. — Озми-кўпми, эришаётган ютуқларим эса менга янада катта куч, ғайрат ва шижоат бағишлайди.
Ўз касбининг етук мутахассиси саналган майор А. Жўраев ўтган йили мамлакатимиз Қуролли Кучлари миқёсида ўтказилган «Ўз касбининг устаси» кўрик-танловининг республика босқичида «Энг илғор батальон командири» номинацияси ғолиби деб топилди.
Абу КEНЖАЕВ,