Ички ишлар вазирлиги Малака ошириш институти вакиллари халқаро илмий-амалий конференцияда иштирок этди
2025-12-11 11:45:00 / Янгиликлар
Ички ишлар вазирлиги Малака ошириш институти вакиллари Россия Федерацияси Ички ишлар вазирлиги Бутунроссия малака ошириш институтида бўлиб ўтган “Наркотик моддаларнинг ноқонуний айланишига қарши кураш тизимида махсус билимлардан фойдаланишнинг долзарб масалалари” мавзусидаги халқаро илмий-амалий конференцияда иштирок этди.
Онлайн шаклда ўтказилган анжуманда Малака ошириш институти бошлиғининг биринчи ўринбосари, полковник У.Э.Расулев “Ўзбекистон Республикасида гиёҳвандлик ва наркожиноятларга қарши курашишнинг стратегик ва ҳуқуқий асослари: ислоҳотларнинг янги босқичи” мавзусида маъруза билан иштирок этди.
Маърузада Ўзбекистон Республикаси Президентининг 2025 йил 3 ноябрдаги “Аҳоли саломатлиги ва миллат генофондини гиёҳвандлик ва наркожиноятлардан самарали ҳимоя қилиш бўйича комплекс чора-тадбирлар тўғрисида”ги ПФ-207-сон Фармонининг мазмун-моҳияти кенг ёритилди.
Тадбирда Россия Федерацияси, Беларусь, Қозоғистон, Қирғизистон, Тожикистон ва бошқа мамлакатларнинг ички ишлар органлари ходимлари ва таълим муассасалар профессор-ўқитувчилари иштирок этди.
ИИВ Малака ошириш институти