«Кибермаданиятни юксалтириш ойлиги» доирасида ОАВ вакиллари учун матбуот анжумани ўтказилди
2025-11-17 18:00:00 / Янгиликлар
Ўзбекистон Республикаси Ички ишлар вазирлиги томонидан Ўзбекистон журналистика ва оммавий коммуникациялар университетида «Кибермаданиятни юксалтириш ойлиги» доирасида ОАВ вакиллари учун матбуот анжумани ўтказилди.
Анжуманда университет ректори Шерзодхон Қудратхўжа, ИИВ ТҚД Киберхавфсизлик маркази раҳбарияти, талабалар, ОАВ ҳамда жамоатчилик вакиллари иштирок этишди.
Тадбирни университет ректори Шерзодхон Қудратхўжа очиб бериб, бугунги кунда фуқароларни кибермакондаги жиноятлардан огоҳликка чақириш ҳар бир инсоннинг бурчи эканлигини таъкидлади.
Шундан сўнг, Вазирлик Киберхавфсизлик маркази мутахассислари томонидан Республикамизда содир этилаётган кибержиноятлар ва улардан ҳимояланиш борасида маълумот ва тавсиялар берилди.
Қизғин ўтган матбуот анжумани сўнгида ОАВ вакиллари ўзларини қизиқтирган саволларига жавоблар олишди.
Эслатиб ўтамиз, Ўзбекистон Республикаси Президентининг қарорига асосан ҳар йилнинг ноябрь ойи Республикамизда “Кибермаданиятни юксалтириш ойлиги” деб эълон қилинган.