O‘zbekiston yoshlari BMT ofislarida amaliyot o‘tash imkoniyatiga ega bo‘ladi!
2025-11-06 11:00:00 / Yangiliklar
Yoshlar ishlari agentligi direktorining birinchi o‘rinbosari Dilnoza Kattaxanova va BMT Volontyorlar dasturi ijrochi koordinatori o‘rinbosari Andrey Pogrebnyak o‘rtasida muhim uchrashuv bo‘lib o‘tdi.
Bonn shahridagi BMT Volontyorlar dasturi Bosh qarorgohida bo‘lib o‘tgan uchrashuvda 2026-yildan boshlab o‘zbekistonlik yoshlarni xorijiy mamlakatlardagi BMT ofislariga amaliyot (internship) dasturlari orqali yuborish bo‘yicha kelishuv imzolandi.
Bu tashabbus yoshlarning xalqaro darajadagi bilim va ko‘nikmalarini oshirish, tajriba almashish hamda volontyorlik faoliyatini yangi bosqichga olib chiqish imkonini beradi.
Shuningdek, 2026-yilning Xalqaro volontyorlik yili deb e’lon qilingani munosabati bilan O‘zbekistonda Xalqaro Milliy qo‘mita tashkil etish va Milliy harakatlar rejasini ishlab chiqish bo‘yicha ham kelishuvga erishildi.
Ushbu hamkorlik orqali O‘zbekiston yoshlarining xalqaro maydondagi faolligi ortadi, volontyorlik madaniyati esa yanada kengayadi.