O‘zbеkistоn Rеspublikаsi Yoshlar ishlari agentligi

Bu yerda xorijlik va mahalliy yoshlar ekologik loyihalar, raqamli tashabbuslar, O‘zbekiston–Ozarbayjon yoshlari o‘rtasidagi eko-inflyuenserlar uchrashuvlari, “Green Spark” startaplar tanlovi, “Yoshlar va iqlim” xalqaro tanlovi, COP modeli va mahorat darslarida ishtirok etmoqda.

“Yoshlar va Orol dengizini saqlash” mavzusidagi ekologik va raqamli tashabbuslar yalpi majlisi O‘zbekistonni global yoshlar uchun muloqot maydoniga aylantirmoqda. Ushbu majlis doirasida yoshlar o‘rtasida do‘stlik rishtalarini mustahkamlash, xalqaro hamkorlikni yo‘lga qo‘yish, dolzarb ekologik muammolar yuzasidan erkin fikr almashish va ularni birgalikda muhokama qilish imkoniyati yaratilmoqda. Shuningdek, yoshlar iqlim masalalarini ilmiy va amaliy jihatdan o‘rganish imkoniyatiga ega bo‘lmoqda.

Festival ishtirokchilari Mo‘ynoqdagi “Future Muynak” markazi, hunarmandlar xiyoboni va Ekologiya muzeyiga tashrif buyuradi. Shuningdek, iqlim o‘zgarishiga bardoshlilik, ekologik loyihalar, yoshlar muloqoti va hududda yoshlar tomonidan ekilgan saksovulzorlar bilan tanishish rejalashtirilgan.