O‘zbеkistоn Rеspublikаsi Yoshlar ishlari agentligi

AQShda bo‘lib o‘tayotgan ECOSOC Yoshlar forumi doirasida Agentlik direktori A.Sa’dullayev boshchiligidagi O‘zbekiston delegatsiyasi BMT Bosh kotibi o‘rinbosari, BMT Yoshlar ofisi rahbari Felipe Paulliyer bilan uchrashuv o‘tkazdi.

⠀

Ko‘tarinki va iliq ruhda o‘tgan suhbatda F. Paulliyer O‘zbekistonning Markaziy Osiyo mintaqasida yoshlar siyosati bo‘yicha haqiqiy namuna sifatida ajralib turganini ta’kidladi.

⠀

Xususan, BMTning “Yoshlar strategiyasi — 2030” doirasida O‘zbekiston dunyoning eng ilg‘or 10 mamlakati qatoridan joy olgani, “Kelajak pakti” tashabbusining mintaqada aynan O‘zbekistonda namuna sifatida yo‘lga qo‘yilgani alohida e’tirof etildi.

⠀

Shu yil 15-may kuni Felipe Paulliyer Orolbo‘yi mintaqasida bo‘lib o‘tadigan Raqamli “yashil” tashabbuslar Global yoshlar festivalida ishtirok etishini ma’lum qildi.

⠀

Tashrif davomida BMT va O‘zbekiston o‘rtasida yoshlar siyosati yo‘nalishida qator yangi tashabbuslar va hujjatlar qabul qilinishi rejalashtirilmoqda.