O‘zbеkistоn Rеspublikаsi Yoshlar ishlari agentligi

1992-yil 14-yanvarda O‘zbekiston Respublikasi Oliy Kengashi qarori bilan O‘zbekiston Respublikasi Qurolli Kuchlari tashkil etildi. Shu munosabat bilan, 1993-yildan boshlab, 14-yanvar mamlakatimizda Vatan himoyachilari kuni sifatida nishonlanib kelinmoqda. Bu sana Qurolli Kuchlar tizimida xizmat qilayotgan harbiy xizmatchilar, faxriylar va o‘z burchini yuksak mas’uliyat bilan bajarib kelayotgan barcha insonlarni sharaflash kuni hisoblanadi.

Vatan himoyachilari kuni – mamlakatimizda tinchlik va osoyishtalikni ta’minlash, xalqimizning osoyishta hayoti uchun jonini tikkan insonlarni e’tirof etish imkoniyatidir. Bu nafaqat harbiylar uchun, balki yurt tinchligini saqlashga hissa qo‘shayotgan har bir vatandosh uchun ham qadrli bayramdir.

14-yanvar xalqimizni jipslashtiruvchi, yurt himoyachilariga hurmat va ehtirom ko‘rsatish kuni sifatida, milliy g‘urur va vatanparvarlik ramzi bo‘lib qolmoqda.