O‘zbеkistоn Rеspublikаsi Yoshlar ishlari agentligi

Bugun, 25-noyabr kuni Axborot va ommaviy kommunikatsiyalar agentligida Yoshlar ishlari agentligi Axborot xizmati tomonidan “Yoshlar bilan ishlash borasida 2024-yilning 10 oyi davomida amalga oshirilgan ishlar” yuzasidan brifing o‘tkazildi.

Brifingda quyidagi yo‘nalishlarda ma’lumot berildi;

1. Yoshlar bandligi va kasbiy rivojlanishi:

• 342 ming ishsiz yoshning bandligi ta’minlandi.
• “Kelajak kasblari” loyihasi doirasida 18,6 ming yoshga o‘quv kurslari tashkil etildi.
• 1 814 ta mahalla “Yoshlar ishsizligidan xoli hudud”ga aylandi.

2. Muammolarni hal qilish va ijtimoiy qo‘llab-quvvatlash:

• 123 ming tarbiyasi og‘ir yoshlar rahbarlarga biriktirildi.
• “Yoshlar daftari” orqali 141 ming yoshga 209 mlrd so‘mlik ko‘mak ko‘rsatildi.
• Yoshlar tomonidan ko‘tarilgan 30 mingdan ortiq muammo hal etildi.

3. Ma’naviy rivojlanish va bo‘sh vaqtni mazmunli o‘tkazish:

• “Besh muhim tashabbus” doirasida 4,2 mln yosh ko‘ngilochar va madaniy tadbirlarda ishtirok etdi.
• “Butunjahon yoshlar festivali”da 92 davlatdan 700 xorijiy delegat ishtirok etdi.

4. Yoshlarning iqtidori va innovatsiyalarni qo‘llab-quvvatlash:

• “Ibrat farzandlari” loyihasi bilan 1,4 mln yosh xorijiy tillarni o‘rgandi.
• “Bek va Lola” va boshqa milliy multfilmlar yoshlar o‘rtasida katta qiziqish uyg‘otdi.

Brifingni to‘liq video shakli UzReport TVning YouTube kanalida tomosha qilishingiz mumkin!