“Yoshlar va qonun” tanlovi g‘oliblari aniqlandi!
2024-11-15 19:30:00 / Yangiliklar
Yoshlar o‘rtasida jinoyatchilik va huquqbuzarlikning oldini olish, ularni vatanparvarlik ruhida tarbiyalash hamda huquqiy savodxonligini oshirish maqsadida tashkil etilgan “Yoshlar va qonun” tanlovining respublika bosqichi yakuniga yetdi.
Toshkent viloyati, Bo‘stonliq tumani Yoshlar oromgohida Yoshlar ishlari agentligi tomonidan Oliy sud, Adliya, Ichki ishlar, Maktabgacha va maktab ta’limi, Oliy ta’lim, fan va innovatsiyalar vazirliklari hamkorligida o‘tkazilgan ushbu tanlov yoshlarning huquqiy savodxonligini oshirishda muhim ahamiyat kasb etdi.
Eng faol va iqtidorli ishtirokchilar tanlov davomida o‘z bilim va mahoratlarini namoyon etib, hakamlar hay’ati tomonidan munosib baholandi.
G‘oliblar bilan tanishing:
14-18 yosh toifasi:
1-o‘rin: Toshkent shahar, Chilonzor tumani, “Al-Xorazmiy” mahallasining “Poytaxt yoshlari” jamoasi.
2-o‘rin: Xorazm viloyati, Xiva shahar, “Kaltaminor” mahallasi “Adolat” jamoasi.
3-o‘rin: Namangan viloyati, Uychi tumani, “Soku” mahallasi “Femida” jamoasi.
19-30 yosh toifasi:
1-o‘rin: Farg‘ona viloyati, Oltiariq tumani, “Zilxa” mahallasi “Femida” jamoasi.
2-o‘rin: Namangan viloyati, Pop tumani, “Chortoq” mahallasi “Adolat posbonlari” jamoasi.
3-o‘rin: Buxoro viloyati, Vobkent tumani, “Shifokor” mahallasining “Femida” jamoasi.
G‘oliblarga Yoshlar ishlari agentligi tomonidan quyidagi sovg‘alar topshirildi:
1-o‘rin: 43-dyumli televizor.
2-o‘rin: 32-dyumli televizor.
3-o‘rin: Pilesos (changyutgich).
Har bir g‘olib jamoaga diplomlar ham topshirildi.