Namanganda «Yangi O‘zbekiston ziyolilari — milliy yuksalish tayanchi» mavzusida ochiq muloqot bo‘lib o‘tdi
2026-11-14 15:50:00 / Yangiliklar

Namangan shahridagi «Ma’rifat maskani»da «Yangi O‘zbekiston ziyolilari — milliy yuksalish tayanchi» mavzusida viloyat olimlari, professor-o‘qituvchilari va ijodkorlari ishtirokida ochiq muloqot bo‘lib o‘tdi.
Tadbirda Yoshlar ishlari agentligi direktori Alisher Sa’dullayev, Namangan viloyati hokimi Shavkatjon Abdurazzoqov hamda Oliy Majlis Qonunchilik palatasi qo‘mitasi raisi Xayrillo G‘apporov so‘zga chiqib, ilm-fan, kitobxonlik madaniyati va ma’rifatni rivojlantirishda ziyolilarning o‘rni va mas’uliyati haqida fikr bildirdilar.
Muloqot davomida yoshlar o‘rtasida vatanparvarlik tuyg‘usini mustahkamlash, milliy o‘zlikni anglash, ma’naviy merosni asrash hamda raqamli taraqqiyot sharoitida zamonaviy media makonni rivojlantirish masalalari muhokama qilindi.
Shuningdek, ishtirokchilar yettita sho‘baga bo‘lingan holda dolzarb masalalar yuzasidan fikr almashib, yangi tashabbus va takliflarni ishlab chiqmoqdalar.
Muhokamalar yakunida ilgari surilgan eng muhim takliflar umumlashtirilib, «O‘zbekiston ziyolilari kengashi»ning respublika yig‘ilishiga taqdim etiladi.
