O‘zbеkistоn Rеspublikаsi Yoshlar ishlari agentligi

Yosh parlamentariylarning XII global konferensiyasi doirasida BMT Bosh kotibi yordamchisi Felipe Paullier va Yoshlar ishlari agentligi direktori Alisher Sa’dullayev Samarqanddagi Yoshlar kreativ shaharchasiga tashrif buyurdilar.

Suhbat davomida xalqaro mehmonga bu yerda yoshlar uchun yaratilgan imkoniyatlar, ta’limiy loyihalar va zamonaviy muhit haqida batafsil so‘zlab berildi. Eng muhimi, iqtidorli yigit-qizlarimiz o‘zlarining innovatsion g‘oya va loyihalarini bevosita taqdim etish imkoniga ega bo‘ldilar.

Yoshlarimizning tashabbuslari atrofida qizg‘in fikr almashilib, ularni kelgusida qanday qo‘llab-quvvatlash mumkinligi bo‘yicha yaxshi takliflar o‘rtaga tashlandi.

Bu kabi uchrashuvlar yoshlarimizning salohiyatini xalqaro maydonda namoyon etish va ular uchun yangi hamkorlik eshiklarini ochishda ajoyib ko‘prik vazifasini o‘taydi.