Yoshlarning ekologik tashabbuslarini rivojlantirishga qaratilgan “Yashil kelajak” oromgohi o‘tkazildi
2026-09-02 19:05:00 / Yangiliklar
5 kun davomida o‘tkazilgan oromgohda “Ekologik ijtimoiy loyihalar” tanlovi g‘oliblari hamda Xalqaro ekologik yoshlar qo‘mitasining hududiy koordinatorlari ishtirok etdi.
Ular uchun ekologik loyihalarni samarali ishlab chiqish va amalga oshirish, zamonaviy kommunikatsiya vositalaridan foydalanish hamda professional ko‘nikmalarni rivojlantirishga qaratilgan trening va mahorat darslari tashkil etildi.
Amaliy mashg‘ulotlarda Nargis Qosimova, Nodira Alimova va Feruzbek Sayfullayev ekspert va spiker sifatida ishtirok etib, o‘z tajriba va bilimlari bilan bo‘lishdilar.
G‘olib deb topilgan 35 ta ekologik ijtimoiy loyiha jami 700 million so‘mlik grant vaucherlari bilan qo‘llab-quvvatlandi.
Shuningdek, Xalqaro yoshlar ekologik qo‘mitasi hududiy koordinatorlarining I qurultoy yig‘ilishi bo‘lib o‘tdi va ularning faoliyati tahlil qilindi.
Mazkur tashabbus yoshlarning ekologik muammolarga ijtimoiy loyihalar orqali yechim taklif etishi, o‘z g‘oyalarini mustaqil ishlab chiqishi va amaliyotga tatbiq etishi, shuningdek, zamonaviy media va kommunikatsiya ko‘nikmalarini rivojlantirishiga xizmat qiladi.