O‘zbеkistоn Rеspublikаsi Yoshlar ishlari agentligi

Qoraqalpog‘iston Respublikasining Nukus shahrida “Yoshlar oyligi” doirasida tashkil etilgan muhtasham gala-konsert dasturida “Yoshlar ovozi – Bo‘zatov FEST” respublika tanlovining final bosqichi g‘oliblarini tantanali taqdirlash marosimi ko‘tarinki ruhda bo‘lib o‘tdi.

 

Qayd etish joizki, joriy yilning 29-may kunidan 4-iyuniga qadar Qoraqalpog‘iston zamini iste’dodli yoshlarni o‘zida jamlagan mazkur nufuzli tanlovning hal qiluvchi respublika bosqichi bellashuvlariga mezbonlik qildi. Ushbu muddat davomida minglab ishtirokchilar orasidan saralangan eng sara iqtidor egalari o‘zlarining bor mahoratlarini ishga solib, hakamlar hay’ati va tomoshabinlar e’tiboriga betakror ijrolarini taqdim etishdi.

 

Ma’lumki, mazkur yirik loyiha Davlatimiz rahbarining 2020-yil 2-oktabr kuni Qoraqalpog‘iston Respublikasi Jo‘qorg‘i Kengesining navbatdan tashqari sessiyasida bergan topshirig‘i hamda kengaytirilgan tarzda o‘tkazilgan majlis bayonida belgilangan vazifalar ijrosi asosida hayotga tatbiq etilgan. Tanlov 2021-yildan buyon Yoshlar ishlari agentligi, Madaniyat vazirligi hamda Qoraqalpog‘iston Respublikasi tomonidan an’anaviy tarzda yuqori saviyada o‘tkazib kelinmoqda. E’tiborli jihati, tanlovning 2021–2024-yillar davomida o‘tkazilgan respublika bosqichlarida jami 128 nafar yoshlar g‘olib va sovrindor bo‘lishga erishgan.

 

Tizimli ravishda tuman (shahar), hududiy va respublika bosqichlaridan iborat bo‘lgan ushbu tanlov san’atning 4 ta asosiy yo‘nalishini — baxshichilik, an’anaviy ijro, opera hamda estrada yo‘nalishlarini qamrab oladi. Bellashuvlar adolatli o‘tishi uchun ishtirokchilar 3 ta yosh toifasi (10-15 yosh, 16-22 yosh hamda 23-30 yosh) doirasida o‘zaro bahslashdilar.

 

Yosh iste’dodlarni munosib rag‘batlantirish va qo‘llab-quvvatlash maqsadida joriy yilda tanlovning umumiy mukofot jamg‘armasi 2,5 milliard so‘m etib belgilandi. Respublika bosqichida har bir yo‘nalish va yosh toifasi bo‘yicha:

 

1-o‘rinni qo‘lga kiritgan jami 12 nafar yoshlar — 50 million so‘mdan;

 

2-o‘rin sohiblari (12 nafar) — 30 million so‘mdan;

 

3-o‘rin egalari (12 nafar) esa — 20 million so‘mdan pul mukofoti bilan taqdirlandi.

 

Shuningdek, final bosqichida ishtirok etgan qolgan barcha yoshlar 10 million so‘mdan rag‘batlantiruvchi pul mukofotlariga ega bo‘lishdi.

 

Quyida 2026-yilgi “Yoshlar ovozi – Bo‘zatov FEST” respublika tanlovining barcha yo‘nalishlar va yosh toifalari bo‘yicha mutlaq g‘oliblari ro‘yxati bilan tanishishingiz mumkin:

 

Baxshichilik yo‘nalishi

 

10-15 yosh toifasi:

 

1-o‘rin: Zarapatdinov Miratdin (Qoraqalpog‘iston Respublikasi);

 

2-o‘rin: Nadirov Bunyodbek (Farg‘ona viloyati);

 

3-o‘rin: Xolmuradov Zarif (Qashqadaryo viloyati). 

 

16-22 yosh toifasi:

 

1-o‘rin: Bekberganov Diyorbek (Toshkent shahri);

2-o‘rin: Qidirbergenova Umida (Qoraqalpog‘iston Respublikasi);

3-o‘rin: G‘oyibnazarov Javoxirbek (Jizzax viloyati).

23-30 yosh toifasi:

 

1-o‘rin: Sarsenbayeva Uldaulet (Qoraqalpog‘iston Respublikasi);

2-o‘rin: Eshmanov Sunnatulla (Toshkent shahri);

3-o‘rin: Artikov Yerkinbay (Navoiy viloyati).

Anʼanaviy ijro yo‘nalishi

 

10-15 yosh toifasi:

 

1-o‘rin: Shokirova Hurriyatxon (Farg‘ona viloyati);

2-o‘rin: Mavlonberdiyev Samadbek (Qoraqalpog‘iston Respublikasi);

3-o‘rin: Xomidjanov Javohir (Namangan viloyati).
 

16-22 yosh toifasi:

 

1-o‘rin: Bahodirova Dilafro‘z (Samarqand viloyati);

2-o‘rin: Tojiboyeva Olimaxon (Toshkent shahri);

 

3-o‘rin: Murtazayev Ziyodulla (Qashqadaryo viloyati).

23-30 yosh toifasi:

 

1-o‘rin: Abdullayev Shukurulla (Qoraqalpog‘iston Respublikasi);

2-o‘rin: Mirminov Rustamjon (Namangan viloyati);

3-o‘rin: Xodjiyeva Nodira (Toshkent viloyati).

Estrada yo‘nalishi

 

10-15 yosh toifasi:

 

1-o‘rin: Jepbarbergenova Bibimaryam (Qoraqalpog‘iston Respublikasi);

2-o‘rin: Qayumov Adizjon (Qashqadaryo viloyati);

3-o‘rin: Shomuratova Shahlo (Toshkent viloyati).

16-22 yosh toifasi:

 

1-o‘rin: Habibullayeva Dilnora (Namangan viloyati);

 

2-o‘rin: Nazarova Sabrina (Qoraqalpog‘iston Respublikasi);

 

3-o‘rin: Axmedova Mushtariy (Toshkent shahri).

 

23-30 yosh toifasi:

 

1-o‘rin: Atamuratov Xursandbek (Qoraqalpog‘iston Respublikasi);

2-o‘rin: Jamshidov Kamronbek (Andijon viloyati);

3-o‘rin: Rustamova Maftuna (Surxondaryo viloyati).

 

Opera yo‘nalishi

10-15 yosh toifasi:

 

1-o‘rin: Arslonov Dmitriy (Qashqadaryo viloyati);

2-o‘rin: Tursunbayev Fatxiddin (Namangan viloyati);

3-o‘rin: Palvanov O‘lmasjon (Navoiy viloyati).

16-22 yosh toifasi:

 

1-o‘rin: Amangeldiyev Nursultan (Qoraqalpog‘iston Respublikasi);

 

2-o‘rin: Boqiyeva Mohinur (Qashqadaryo viloyati);

3-o‘rin: Abditalipova Nargiza (Toshkent viloyati).

 

23-30 yosh toifasi:

 

1-o‘rin: Ismatov Farrux (Qashqadaryo viloyati);

2-o‘rin: Yoqubjonova Shaxnoza (Namangan viloyati);

3-o‘rin: Kdirbayev Bakhit (Qoraqalpog‘iston Respublikasi).