Özbekiston Respublikasi Transport vazirligi huzuridagi fuqaro aviatsiyasi agentligi

Mazkur qoidalar Agentlik direktorining 2026-yil 16-sentabrdagi 11-n-son buyrug‘i bilan tasdiqlangan hamda O‘zbekiston Respublikasi Adliya vazirligida 2026-yil 14-oktabrda 3953-son bilan davlat ro‘yxatidan o‘tkazilgan.

Yangi aviatsiya qoidalari Xalqaro fuqaro aviatsiyasi tashkiloti (ICAO)ning Xalqaro fuqaro aviatsiyasi to‘g‘risidagi konvensiyasiga 8-ilovasi “Havo kemalarining uchishga yaroqliligi” doirasidagi xalqaro standartlar va tavsiya etilgan amaliyotlarning ahamiyatini inobatga olgan holda, fuqaro havo kemalarining uchishga yaroqliligini ta’minlashga oid talablarni belgilaydi.

Yangi aviatsiya qoidalari fuqaro havo kemalarining uchishga yaroqliligini ta’minlash tartibini belgilab, havo kemalarini sertifikatlash, ularning uchishga yaroqliligini saqlash hamda texnik xizmat ko‘rsatish tashkilotlari faoliyatiga qo‘yiladigan talablarni qamrab oladi.

Hujjatda uchishga yaroqlilik sertifikatlarini berish va tan olish, havo kemalarining texnik holatini nazorat qilish, uchishga yaroqlilikni saqlashga oid majburiy ma’lumotlar bilan ishlash, shuningdek havo kemalariga texnik xizmat ko‘rsatish tashkilotlarini sertifikatlash masalalari belgilangan.

Shuningdek, texnik xizmat ko‘rsatish tashkilotlarining faoliyatiga doir qo‘llanmalar, sifatni ta’minlash tizimi, ishlab chiqarish bazasi, xodimlarning malakasi va kasbiy tayyorgarligiga oid talablar nazarda tutilgan.

Mazkur qoidalarning joriy etilishi fuqaro aviatsiyasida havo kemalarining uchishga yaroqliligini ta’minlashga doir talablarni tizimlashtirish hamda parvozlar xavfsizligini ta’minlashga qaratilgan me’yoriy-huquqiy asoslarni takomillashtirishga xizmat qiladi.

Qoidalar rasmiy e’lon qilingan kundan e’tiboran uch oy o‘tgach, 2027-yil 16-yanvardan kuchga kiradi.

Hujjat bilan batafsil tanishish: https://lex.uz/uz/docs/8537824