Aeronavigatsiya sohasidagi aviatsiya qoidalari ICAO standartlari va talablari asosida yangilandi
2026-09-14 17:55:00 / Yangiliklar
Milliy qonunchilikni yanada takomillashtirish maqsadida “O‘zaviatsiya” agentligi tomonidan Xalqaro fuqaro aviatsiyasi to‘g‘risidagi Konvensiyaning 11-ilovasi – “Havodagi harakatga xizmat ko‘rsatish” talablariga muvofiq, O‘zbekiston Respublikasida havodagi harakatga xizmat ko‘rsatishga oid aviatsiya qoidalari tasdiqlandi va belgilangan tartibda O‘zbekiston Respublikasi Adliya vazirligidan ro‘yxatdan o‘tkazildi.
Shuningdek, “O‘zaviatsiya” agentligi direktori tomonidan “O‘zbekiston Respublikasi fuqaro aviatsiyasining aeronavigatsiya xaritalari bo‘yicha aviatsiya qoidalari” va “O‘zbekiston Respublikasi fuqaro aviatsiyasiga aeronavigatsiya axborot xizmati ko‘rsatish bo‘yicha aviatsiya qoidalari” me’yoriy-texnik hujjatlar sifatida tasdiqlandi.
Ushbu hujjatlarning ishlab chiqilishi ICAO standartlari va talablarining amaliyotga to‘liq joriy etilishini ta’minlash, shuningdek, milliy normativ-huquqiy hujjatlarni muntazam tahlil qilish va qayta ko‘rib chiqish orqali ularni yanada takomillashtirishga qaratilgan.