O'zbekiston Respublikasi Transport vazirligi huzuridagi fuqaro aviatsiyasi agentligi

Ushbu tashabbusning asosiy maqsadi — aviahalokatlarning oldini olish va yuzaga kelgan vaziyatlarga o‘z vaqtida chora ko‘rishdir. Ko‘pincha jiddiy holatlardan oldin e’tiborsiz qoladigan kichik insidentlar yoki yashirin xavflar sodir bo‘ladi. Yangi uslub ushbu xavflarni o‘z vaqtida aniqlash va ular salbiy oqibatlarga olib kelmasidan oldin zarur choralarni ko‘rish imkonini beradi.

Asosiy tamoyil — jazo emas, balki parvozlar xavfsizligi. Ushbu tizim aybdorlarni qidirish uchun emas, balki faqat parvozlar xavfsizligi darajasini oshirishga qaratilgan. Barcha taqdim etiladigan ma’lumotlar qat’iy maxfiy saqlanadi va hisobotlarda shaxsiy ma’lumotlar oshkor etilmaydi. Siz xabarni mutlaqo anonim tarzda qoldirishingiz mumkin. Olingan ma’lumotlar faqat xavflarni tahlil qilish va aviatsiya jarayonlarini takomillashtirish uchun ishlatiladi. Ixtiyoriy xabarlar natijalariga ko‘ra hech qanday intizomiy yoki boshqa jazo choralari qo‘llanilmaydi.

Kimlar xabar yuborishi mumkin?

• Aviatsiya sohasi xodimlari: tartib-qoidalarning buzilishi, uskunalar ishlashidagi nosozliklar yoki noxush hodisaga olib kelishi mumkin bo‘lgan vaziyatni aniqlaganda.
• Yo‘lovchilar: o‘zlarining va boshqa fuqarolarning xavfsizligiga befarq bo‘lmagan yo‘lovchilar hamda xavfsizlik borasida shubha uyg‘otadigan holatning guvohi bo‘lganlar.

Agar parvozlar xavfsizligiga ta’sir qilishi mumkin bo‘lgan biron holatni sezsangiz, iltimos, qimmatli vaqtingizni ayamay, bu haqda bizga xabar bering. Biz bu jarayonni maksimal darajada soddalashtirdik
va osonlashtirdik. Ma’lumotlaringiz to‘liq himoya ostida.

Qanday qilib xabar berish mumkin?
Interaktiv shaklni quyidagi usullar orqali to‘ldirish mumkin:

Savollar bormi? Biz bilan bog‘laning:

📞 Koll-markaz: +99871 200-07-65

✉️ Email: ir@uzcaa.uz

Xavfsizligimiz — o‘z qo‘limizda!