“9-dekabr – Xalqaro korrupsiyaga qarshi kurashish kuni”ga bag‘ishlangan “Ochiq eshiklar kuni”
2025-12-12 13:05:00 / Yangiliklar
Joriy yilning 10 dekabr kuni “O‘zaviatsiya” agentligi direktori T. Nazarov raisligida “O‘zaviatsiya” agentligida “9 dekabr - Xalqaro korrupsiyaga qarshi kurashish kuni” munosabati bilan “Aksilkorrupsiya oyligi” doirasida “Korrupsiyasiz hayot sari” mavzusiga bag‘ishlangan “Ochiq eshiklar kuni” tadbiri bo‘lib o‘tdi.
Tadbirda O‘zbekiston Respublikasi Korrupsiyaga qarshi kurashish agentligi yetakchi mutaxassisi N. Masharipova va “O‘zaviatsiya” agentligi korrupsiyaviy xavf-xatarni baholashni amalga oshirish bo‘yicha mas’ul xodim O. Po‘latov O‘zbekiston Respublikasining “Korrupsiyaga qarshi kurashish to‘g‘risida”gi hamda “Manfaatlar to‘qnashuvi to‘g‘risida”gi qonunlarining mazmun-mohiyatini prezentatsiya materiallari yordamida batafsil tushuntirdilar. Bunda qonunchilik talablarini bajarmaganlik uchun ma’muriy va jinoiy jazo choralari belgilanganligi haqida ham eslatib o‘tdilar.
Tadbir yakunida mavzuga oid bir qator fikr mulohazalar bilan almashilib, o‘zaro
savol-javoblar o‘tkazildi va ishtirokchilar o‘zlarini qiziqtirgan savollarga atroflicha javob oldilar.
