O‘zbekiston Respublikasi Turizm qo‘mitasi

Jurnal tomonidan e’lon qilingan reytingda qayd etilishicha, shahar o‘zining tarixi va zamonaviyligining noyob uyg‘unligi bilan sayyohlarni o‘ziga jalb qiladi. Bu yerda qadimiy madrasalar va bozorlar yangi madaniy maydonlar bilan yonma-yon joylashgan bo‘lib, sayohatchilar uchun boy va o‘ziga xos muhit yaratadi.

Nashrda Toshkent Markaziy Osiyoning madaniy turizm markaziga aylanib borayotgani ta’kidlangan. Yangi “Islom sivilizatsiyasi markazi” majmuasi va “Zamonaviy san’at markazi” galereyasining ochilishi shaharni ham qadimiy an’analar, ham zamonaviy badiiy hayot bilan tanishish imkonini yaratuvchi maskanga aylantiradi. Sayyohlar tarixiy yodgorliklarga ekskursiyalar bilan zamonaviy ko‘rgazma va tadbirlarga tashrifni birlashtirish imkoniyatiga ega bo‘ladilar.

Bugungi kunda Toshkent sayyohlarni nafaqat O‘zbekistonning go‘zal maskanlariga yo‘naltiruvchi boshlang‘ich nuqta sifatida, balki mustaqil sayyohlik yo‘nalishi sifatida ham jalb qilmoqda. Shahar boy madaniy dastur va Markaziy Osiyo poytaxtining o‘ziga xos muhitini taqdim etib, yangi taassurotlar va odatiy bo‘lmagan sayohatlarni izlaydiganlar uchun albatta borib ko‘rish lozim bo‘lgan manzilga aylanadi.