O‘zbekiston turizm salohiyati Indoneziyada o‘tkazilgan “Halal Kulture” ko‘rgazmasida namoyish etildi
2025-10-31 23:10:00 / Yangiliklar
Turizm qo‘mitasi tomonidan mamlakatimiz sayyohlik salohiyati Indoneziyaning Jakarta shahrida o‘tkazilgan “Halal Kulture” xalqaro turizm ko‘rgazmasida keng targ‘ib etildi.
O‘zbekiston milliy stendida ko‘rgazmaga tashrif buyurgan mehmonlar mamlakatimizning turizm salohiyati jumladan ziyorat turizm yo‘nalishi imkoniyatlari, shuningdek, mehmonxona va sayyohlik infratuzilmasini rivojlantirish bo‘yicha zamonaviy loyihalar bilan tanishdilar.
80 dan ortiq turfirmalar ishtirok etgan xalqaro turizm ko‘rgazmasi doirasida O‘zbekiston va Sharqiy Osiyo mamlakatlari turizm sohasi yetakchilari o‘rtasida 20 dan ortiq hamkorlik memorandumlari imzolandi.
Ko‘rgazmaga tashrif buyurganlar o‘zbek milliy san’ati va o‘zbek xalq og‘zaki ijodi namunalaridan iborat madaniy dasturni tomosha qilish imkoniyatiga ega bo‘ldilar.