Samarqandda YUNESKO 43-sessiyasiga tayyorgarlik: Gid va ekskursiya yetakchilariga sertifikatlar topshirildi
2025-10-29 10:15:00 / Yangiliklar
O‘zbekiston Respublikasi Prezidentining 2024-yil 15-martdagi “2025 yilda YUNESKO Bosh konferensiyasining 43-sessiyasini Samarqand shahrida o‘tkazilishiga tayyorgarlik ko‘rish bo‘yicha chora-tadbirlar to‘g‘risida” qarori hamda Turizm qo‘mitasi tomonidan tasdiqlangan reja-grafik asosida, 13–17 oktyabr kunlari “Ipak yo‘li” turizm va madaniy meros xalqaro universitetida gid-tarjimonlar va ekskursiya yetakchilari uchun maxsus malaka oshirish kurslari tashkil etildi.
Ushbu kurslar davomida ishtirokchilar nafaqat turizm sohasidagi zamonaviy bilim va ko‘nikmalarini mustahkamlashdi, balki Samarqandning boy tarixiy va madaniy merosi bilan yaqindan tanishish imkoniyatiga ega bo‘ldilar.
Kurslarni muvaffaqiyatli tamomlagan mutaxassislarga sertifikatlar topshirilishi bilan ular nafaqat professional salohiyatlarini oshirdi, balki 2025-yilda Samarqandda o‘tkaziladigan YUNESKO Bosh konferensiyasida xalqaro mehmonlar va delegatsiyalar uchun yuqori sifatli xizmat ko‘rsatishga tayyor ekanliklarini namoyon etdi.