Respublika ishchi guruhi Jizzax viloyatida bo‘ldi
2025-10-04 09:25:00 / Yangiliklar
O‘zbekiston Respublikasi Vazirlar Mahkamasining tegishli topshirig‘iga muvofiq, respublikadagi barcha turizm namoyishi obyektlari (madaniy meros obyektlari, ziyoratgohlar, turizm zonalari, sihatgoh va dam olish zonalari, sport-sog‘lomlashtirish muassasalari, ommaviy namoyish joylari, madaniyat va istirohat bog‘lari), aeroport, vokzal, avtoshohbekatlarda hamda avtomobillarga yoqilg‘i quyish shoxobchalarida sanitariya-gigiyena shoxobchalarining yetarli darajada tashkil qilinganligi, ularning sanitariya, shaharsozlik normalari va qoidalari talablariga muvofiqligi hamda ularda nogironligi bo‘lgan shaxslar uchun sharoitlar yaratilganligi yuzasidan, Turizm qo‘mitasining bo‘lim boshlig‘i M.Xayitova va Jizzax viloyati hokimligi tomonidan tashkil etilgan hududiy ishchi guruh a’zolari hamda aloqador tashkilotlar bilan birgalikda viloyatining tuman va shaharlarida manzilli ro‘yxatga asosan o‘rganish ishlari olib borildi
6 kunlik o‘rganishlar davomida sanitariya-gigiyena punktlari mavjud bo‘lmagan turizm namoyish obyektlarida zamonaviy sanitariya-gigiyena shoxobchalarini qurish va ta’mirlash, shaharsozlik normalari talablaridan kelib chiqib, jismoniy imkoniyati cheklangan shaxslar uchun zarur shart-sharoit yaratish hamda go‘daklarni yo‘rgaklash burchaklari va ona-bola xonalari tashkil etish bo‘yicha zarur tavsiya va takliflar berildi.
Mazkur tashabbus mamlakatimizda turizm salohiyatini oshirish, aholiga va mehmonlarga qulay shart-sharoitlar yaratish, ta’lim muassasalari hamda ijtimoiy soha obyektlarida sanitariya madaniyatini yanada yuksaltirishga xizmat qiladi.
O‘rganish ishlari respublikamizning boshqa hududlarida ham tashkil etilishi rejalashtirilgan.