Namanganda IV Xalqaro asal festivali bo‘lib o‘tadi
2025-10-02 16:40:00 / Yangiliklar
24–26-oktyabr kunlari Namangan shahridagi “Afsonalar vodiysi” tematik bog‘ida IV Xalqaro asal festivali o‘tkaziladi.
Mazkur festivalda 10 dan ortiq davlatlardan kelayotgan asalarichilar, respublikamizning barcha hududlaridan tashrif buyurgan ustalar, xalqaro ekspertlar, olimlar va ijodkorlar ishtirok etadilar.
Tadbir dasturidan asal yarmarkasi, ilmiy-amaliy konferensiyalar, B2B uchrashuvlar, madaniy shoular, osh chempionati, moda ko‘rgazmasi va asalarichilik sohasidagi yetakchi mahalliy va xorijlik mutaxassislardan mahorat darslari o‘rin olgan.
Festival doirasida, shuningdek, bir qator nominatsiyalar bo‘yicha tanlovlar o‘tkaziladi.