“Xorazm xonlari milliy taomlari” xalqaro gastrofestivali o‘tkazildi
2025-09-23 08:55:00 / Yangiliklar
Tadbirda Respublikamizning turli hududlaridan 20 dan ortiq mashhur oshpazlari ishtirokida, 50 dan ortiq milliy, Yevropa, Osiyo taomlari tayyorlandi. Xalqaro gastrofestival yakunida barcha ishtirokchilar tayyorlagan taomlar O‘zbekiston oshpazlar uyushmasi ekspertlari tomonidan baholanib, turli nominatsiyalar bo‘yicha taqdirlandi.
Festivalda gastronomik turizmni rivojlantirish va o‘zbek oshxonasini raqamli targ‘ib qilishda muhim o‘rin tutadigan Eaten.uz platformasi ham keng ko‘lamda taqdim etildi. Mazkur platforma orqali tadbir mehmonlari va onlayn foydalanuvchilar taomlar, oshpazlar va mintaqaviy oshpazlik an’analari haqida batafsil ma’lumot olish imkoniyatiga ega bo‘ldilar.
Festival davomida milliy raqs va kuy-qo‘shiqlar ijro etilib, Xiva mehmonlariga unutilmas kayfiyat ulashildi. Mazkur tadbir nafaqat gastronomik turizmni rivojlantirish, balki xalqimizning qadimiy urf-odatlari va mehmondo‘stlik an’analarini keng targ‘ib qilishga xizmat qiladi.